Luku 13:24 - Bibeli do fee

²⁴ i ce kookaai i lɔ do andɛ iyi kù cĩu ŋa. Ǹ wa n sɔ̃ ŋɛi, inɛ nkpɔi á maa dɛ kpãa iyi aa lɔò a kaa nɔ a yɔkɔ.

Luku 13:24 Iomraidhean Croise

Mɔnda ŋa 14:6

Woo yaako inɛ í ya dɛdɛ bisi amma ci ya baa, amma kumà ku ba í faalaa ilu laakai.

Mɔnda ŋa 21:25

Kɔdɛɛi á kpa ilu ika domi kù bi icɛ ku ce,

Woo lasabu 10:15

Icɛi nnyɛi í ya gbɛɛjiɛi, nŋu iyi kù mà baa kpãa iyi á too ku bɔò inɔ ilu.

Ezai 1:15

Bɛbɛi bii ì wu awɔ nŋɛ ŋa lele ì waa ce kutɔɔ ŋa, an ya n fà ijum nii ku ba n maà n yɛ ŋɛ. Aa ce kutɔɔ hee i gbɛɛji ŋa, amma n kaa n gbɔ nŋɛ, domi awɔ nŋɛ ŋa í kɔ̃i do njɛ.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Matie 11:12

Hai waati iyi Zãa í sinti ku waazo hee do nsɛi fei bommai Ilaaɔ̃ wa bɔ wajui do gbugbã, nɔ ilu gbugbã ŋai à ya baa.

Luku 13:23

Si isɛɛnɛu ŋɔi inɛ gɔ í naa bi tɛɛ nɔ í beeɛ í ni, Lafɛ̃ɛ, inɛ ŋa iyi aa ba faaba a kaa kpɔ? Ŋɔi í jɛ í ni,

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Laabaau jiida iyi Zãa í kɔ 13:33

Iŋɛ baakɔɔm ŋa, waati keekei í gbe iyi an wɛɛ do iŋɛ, nɔ si anyiɛ aa na i maa dɛdɛɛm ŋa. Amma ide iyi ǹ sɔ̃ Zuifu ŋau nŋui ǹ wa n sɔ̃ iŋɛ mɔ bɛ nsɛi. I kaa yɔkɔ i bɔ bii ǹ wa n bɔ ŋa.

Laabaau jiida iyi Zãa í kɔ 5:4

domi ajɔ gɔ ŋa amalekai Ilaaɔ̃ í ya kita wa ku lɔ si fatamau nɔ ku fɔ inyiu. Bii inyiu í fɔ bɔ̃ɔ iyi í tako í dasi bɛ dimii bɔ̃ɔ iyi í nɛ fei í ya ba irii.]

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Laabaau jiida iyi Zãa í kɔ 7:34

Aa na i maa dɛdɛɛm ŋa amma i kaa yɛm ŋa, domi i kaa yɔkɔ i bɔ bii an wa ŋa.

Laabaau jiida iyi Zãa í kɔ 8:21

Ŋɔi Jesu í sɔ̃ inɛ ŋa má í ni, an nɛ nɔ aa na i dɛdɛɛm ŋa, amma aa ku ŋai si dulum du ŋɛ. I kaa yɔkɔ i bɔ bii ǹ wa n bɔ ŋa.

Romu 10:3

A kù mà bɛi Ilaaɔ̃ í ya ceò inɛ dee dee, nŋui í jɔ̀ à dɛ kpãa nŋa bɛi aa ce a jɛò dee dee, nɔ a kù waa too si kpãa iyi Ilaaɔ̃ í jilɛ.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Zozue 7:3

Iyi à koo à cɔ yaasei iluu à baa, à sɔ̃ Zozue à ni, kù to hee sooge ŋau fei a koo si ilui Aiu mɔm. Amanɛ dubu minji walakɔ dubu mɛɛta í to ku kãmia iluu. Akpɔi inɛi ilu ŋau í kere í caa do iyi aa jɔ̀ sooge ŋau fei à gbɛɛji ara nŋa ngbɛ ngbɛ.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.