Luku 13:21 - Bibeli do fee

²¹ Bommai Ilaaɔ̃ í yɛi bɛi levɛ̃ɛ iyi abo gɔ í so í dasi iyafũi pɛ̃ɛ gũa mɛɛta, nɔ fei ndɛɛ í dede í kpante.

Luku 13:21 Iomraidhean Croise

Zɔɔbu 17:9

Inɛ dee dee í ya yɔkɔ temuai. Inɛ iyi awɔɛ wa maaju í ya kɔ̃ɔsi gbugbãi.

Mɔnda ŋa 4:18

Kpãai inɛ dee dee ŋa í yɛi bɛi inya kumái daadaakɔ iyi wa daana nɔ inya kumáɛu í la wa koo hee koo to dasã.

Ozee 6:3

Na nŋu, ka mà nɔ ka dɛdɛ Aɔ̃ Lafɛ̃ɛ ku mà. Kunaaɛ kù nɛ sika kãma bɛi kunaai amɛɛjuumá. Á naa si wai bɛi ijĩ, bɛi ijĩi jɛadɔ̃ iyi í ya jɔ̀ ilɛ ku mandi.

Matie 13:33

Nɔ Jesu í kpa nŋa mɔnda gɔ má í ni, bommai Ilaaɔ̃ í yɛi bɛi levɛ̃ɛ iyi abo gɔ í so í dasi iyafũi pɛ̃ɛ gũa mɛɛta, nɔ fei ndɛɛ í dede í kpante.

Luku 13:20

Ŋɔi í ni má, mii an nyi n wãò bommai Ilaaɔ̃ má.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Laabaau jiida iyi Zãa í kɔ 4:14

Amma inɛ iyi an mua inyi ku mɔ, agbɛ kaa kpa lafɛ̃ɛ má, domi inyi iyi an mua lafɛ̃ɛ á maa sɔ̃i bɛi inyii isɔ̃ nɔ á na inɛ kuwɛɛ hai tã.

Kɔrɛnti 1, 5:6

Dimii fufu ku tɔɔ nŋɛu kù sĩa. I kù mà ŋa, levɛ̃ɛ keekei í ya dede iyafũi pɛ̃ɛ fei?

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.