Luku 12:9 - Bibeli do fee

⁹ Amma inɛ iyi í kɔ̀sim si wajui amanɛ ŋa, amu mɔ an kɔ̀si lafɛ̃ɛ si wajui amalekai Ilaaɔ̃ ŋa.

Luku 12:9 Iomraidhean Croise

Matie 10:33

Amma inɛ iyi í kɔ̀sim si wajui amanɛ ŋa, amu mɔ an kɔ̀siɛ si wajui Baam iyi í wa lele.

Matie 25:12

Amma mɔkɔ titɔ̃u í ni, ntɔ ntɔ, n kù mà ŋɛ.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Matie 7:23

Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom iŋɛ woo ce laalɔ ŋa.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 22:57

Amma í jã í ni, abooyi, n kù màa.

Luku 9:26

Nɔ í ni má, inɛ iyi wa ce anyɔi amu Amai Amanɛ, walakɔ wa ce anyɔi idem, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa, an nyi wai do amboem do ti Baam do ti amaleka ŋa ajɔ.

Timɔtee 2, 2:12

Bii à temua, aa ka jɛ bomma do nŋu ajɔ. Bii à nɔ à kɔ̀siɛ, nŋu mɔ á kɔ̀si wa.

Zãa 1, 2:23

Ntɔi inɛ iyi í kɔ̀si Ama, kù nɛ Baaba. Inɛ iyi í gba Amau í nɛ Baau mɔi.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Kuyɛi Zãa 3:8

ǹ mà kuce nŋɛ. Ǹ mà iyi gbugbã nŋɛ kù la. Do nŋu fei, ì jirima idem nɔ i kù kɔ̀sim ŋa. Nŋui í jɔ̀ ǹ cĩ nŋɛ gambo iyi inɛ gɔ kaa yɔkɔ ku cĩmbo.