Luku 12:5 - Bibeli do fee

⁵ An sɔ̃ ŋɛ inɛ iyi í jɔ i ya ce njoɛ ŋa. I ce njoi inɛ iyi í nɛ yiiko ku kpa inɛ nɔ ku dasiɛ si ina iyi ci ya ku má. Ntɔ ntɔ ǹ wa n sɔ̃ ŋɛi, lafɛ̃ɛi í jɔ i ya ce njoɛ ŋa.

Luku 12:5 Iomraidhean Croise

Iri ku kɔ̃ 9:17

Aɔ̃ Lafɛ̃ɛ í jɔ̀ à màa. Nŋui í ya ce iyi í jɛ dee dee. Í ya jɔ̀ inɛ laalɔ ŋa a dasi cɛkũm iyi aŋa taka nŋa à lei. Woo cã jĩnɛi iri ku kɔ̃ ŋau à waa mɔsi. Kusĩmi.

Mɔnda ŋa 14:26

Inɛ iyi í mà bɛɛrɛi Aɔ̃ Lafɛ̃ɛ í nɛ bi ku lɔkɔsi iyi í nɛ gbugbã mbɛ, nɔ Ilaaɔ̃ á maa degbe amaɛ ŋa.

Zeremi 10:7

Yooi kaa ce njoɛ, awɔ ilaalui ilɛ ŋa. Awɔi inɛ ŋa à nɛ a jirima, domi si ilu laakaii inɛi ilɛ ŋa fei, do si bomma ŋa fei, inɛ kãma kù yɛ bɛi awɔ.

Zeremi 41:18

nɔ aŋa a jĩò inɛi Kaladee ŋa iyi njo wa mu ŋa siu, si na iyi í jɔ̀ Isimaɛli amai Netania í tako í kpa Gedalia amai Ahikamu iyi ilaalui Babilɔni í cica í jilɛ si ilɛu.

Zeremi 5:22

Aɔ̃ Lafɛ̃ɛ í ni, i kù mà gbugbãm ŋai? I kù wa yaya si wajum ŋa de. Amui ǹ nyaa tenku kɔɔ do sãa. Kɔɔu á maa wɛɛi hee do ajɔ fei, nɔ tenkuu kaa yɔkɔ ku kuaɛ wa. Kutãngãm ndɛɛ ŋau wa yaga, amma a kù nɛ gbugbã. À waa ce iba, do nŋu fei, a kaa yɔkɔ a kua.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Matie 25:46

Na nŋu, aa yɛ ijuukpã ŋai si ina iyi ci ya ku. Amma inɛ dee dee ŋau aa lɔ si kuwɛɛ iyi ci ya tã.

Matie 5:22

Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ ngbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.

Maaku 13:23

To, iŋɛ, i maa ce laakai ŋa. Na ŋɔi í ce ǹ wa n sɔ̃ ŋɛ fei ndɛɛ do njuma.

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Ebɛɛ 10:31

Ideu í to njo nla nla bii amanɛ í dasi awɔi Ilaaɔ̃, nŋu iyi í wɛɛ.

Piɛɛ 2, 2:4

Baa amaleka ŋa iyi à ce dulum wo, Ilaaɔ̃ kù jɔ̀ ŋa, amma í tale si ŋa si isa nla nla. Tengi bɛi à waa mu ŋa si ilu kuku hee ajɔi kiiti.

Kuyɛi Zãa 14:7

Í dɔ̃ anu wa ni, i jirima Ilaaɔ̃ nɔ i naa amboe ŋa, domi waati í to ku kiitiò inɛ fei. I tɔɔ Ilaaɔ̃ nŋu iyi í taka lele do ilɛ do tenku do isɔ̃ ŋa.

Kuyɛi Zãa 15:4

Yooi kaa ce njoɛ, Lafɛ̃ɛ. Yooi á kɔ̀ ku saabuɛ. Awɔ akãi ì jɛ inɛ kumá. Inɛi ilɛ baa yooma fei á naa bi tɛɛ, aa na a gulɛ a tɔɔɛ, domi ì nyisi iyi kiitiɛ í jɛ dee dee.

Kuyɛi Zãa 20:14

Ŋɔi à so iku do bi kuwai iku ŋau à dasi ina nlau. Ina nlaui í jɛ iku minjisia.