Luku 12:48 - Bibeli do fee

⁴⁸ Amma inɛ iyi kù mà, nɔ í ce kookoosu iyi í jɔ a cãa, goloɛ kaa la. Inɛ iyi à na mii nkpɔ, aa beeɛ mii nkpɔ. Inɛ mɔ iyi à daa mii nkpɔ si awɔ, nŋui aa bee ku re.

Luku 12:48 Iomraidhean Croise

Kuwee 5:17

Bii inɛ gɔ í kua baa akãi woodai amu Aɔ̃ Lafɛ̃ɛ bii í jɛ lafɛ̃ɛ kù mài í baa í jɛ ilu taale nɔ á so asoi dulum dɛɛ.

Kuka 15:27

Bii í jɛ inɛ akãi í ce dulum iyi kù jɛ do idɔɔbiɛ, á na iwo zãui adɔ̃ akãi iyi á ceò kuwee iyi á kpa dulum dɛɛu.

Matie 13:12

Inɛ iyi í nɛ, nŋui à ya kɔ̃ɔa si, nɔ kunɛu ku la. Amma inɛ iyi kù nɛ, baa keeke iyi í nɛu à ya gbaai má.

Matie 23:14

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì ya maa ce kutɔɔ sisɔ ŋa ku ba inɛ ŋa a ni iŋɛu inɛ jiida ŋai. Nɔ wee mii iyi jaaɔ̃ ŋa à nɛ fei ì ya gbaa ŋai. Na ŋɔi í jɔ̀ ijuukpã nŋɛ á la ku re.]

Luku 12:41

Ŋɔi Piɛɛ í ni, Lafɛ̃ɛ, awai ì kpaa mɔndau ihɛ̃? Mà inɛ fei.

Luku 12:49

Nɔ Jesu í sɔ̃ ŋa má í ni, inai ǹ naa ku fã si andunya, nɔ ǹ bɛi ǹ bi ku jɛ í jo tã.

Luku 16:2

Ŋɔi lafɛ̃ɛ í kpoo í beeɛ í ni, irei ǹ wa n gbɔ inɛ ŋa à wasi ku sɔ iriɛ ya. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooi fiam, i naa i nyisim.

Laabaau jiida iyi Zãa í kɔ 15:22

Bii n kù naa n kù sɔ̃ ŋa ide wo, dulum kaa wa si iri nŋa. Amma nsɛi a kù nɛ bɛi aa ce a ni aŋa a kù mà mà dulum nii.

Woo bɛ ŋa 17:30

Ilaaɔ̃ í temuaò amanɛ ŋa wo si kumà hai mà nŋa, amma nsɛi wa sɔ̃ inɛ ŋa tengi bii à wa fei a kpaasi idɔ nŋa.

Wooda ku kɔsi 25:2

Ilu taaleu, bii í jɛ í jɔ a cãai, woo kiitiu á jɔ̀ ku sũ ilɛi nɔ a cãa ijui nŋu takaɛ bɛ zaka bɛi kuraraɛu í to.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Zaaki 3:1

Kpaasim ŋa, i maà dɛ i kpɔ iŋɛ iyi ì waa bi i maa kɔ inɛ ŋa si idei Ilaaɔ̃, domi ì mà ŋa, awa iyi à waa kɔ inɛ ŋa si cioi idei Ilaaɔ̃, Ilaaɔ̃ kaa ce araare nwa si kiitiɛ.