Luku 12:42 - Bibeli do fee

⁴² Ŋɔi Lafɛ̃ɛ í jɛ í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Luku 12:42 Iomraidhean Croise

Kufita 36:4

Ŋɔi woo ce icɛ ŋau à jɔ̀ icɛ nŋa ŋa iyi à waa ceò,

Mɔnda ŋa 12:8

Ilu laakaii í ya ba kucĩ, amma à ya donda inɛ iyi lasabuɛ kù jɛ dee deei.

Mɔnda ŋa 15:23

Inɛ iyi í mà ide jiida ku jɛ í ya nɛ inɔ didɔ̃. Ntɔ ntɔ ide ku fɔ si waati iyi í jɔ í sĩa.

Mɔnda ŋa 27:18

Inɛ iyi wa teese jĩi ndii figi á na ku jɛ isoɛ. Nɔ inɛ iyi wa gbɔa lafɛ̃ɛɛi á ba bɛɛrɛ.

Mɔnda ŋa 31:15

Hai amɛɛjuumái í ya dede ku ce sɔndai kpasɛ̃, nɔ ku kpɛ̃a inaabo woo ce icɛ ŋau fei icɛ nŋa ŋa.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Zeremi 23:4

An jɔ̀ a ba woo degbe jiida ŋa iyi aa maa degbe ŋa, nɔ njo kaa mu ŋa hee a maa yaya má, nɔ baa akã nŋa kaa gaizia má. Amu Aɔ̃ Lafɛ̃ɛ ǹ fɔ bɛɛbɛ.

Ezekiɛli 34:3

Wee amɔi mɛɛmu ŋaui ì ya maa mɔ ŋa, do nto nŋa ŋai ì ya ceò jĩnɛ ku dasi nŋɛ ŋa, nɔ mɛɛmu ŋa iyi à nɛ ikpo à re ŋai ì ya kpa i ceò kuwee ŋa. Amma mɛɛmu ŋau, i ci ya gbɔ nŋa ŋa.

Matie 13:52

Nɔ í sɔ̃ ŋa í ni, bɛɛbɛ mɔi, woo kɔ inɛ ŋa si wooda baa yooma fei iyi í mà idei bommai Ilaaɔ̃, í yɛi bɛi ilu kpasɛ̃ gɔ iyi wa fitaò mii titɔ̃ ŋa do mii nwo ŋa hai si bi ku jilɛ amaniɛ.

Matie 20:8

Iyi í to alɛ zakai kulɔi inunu, ŋɔi ilu kpasɛ̃u í kpe inɛ ngboi amaacɛɛ ŋau í sɔ̃ɔ í ni, kpe gaanɔɔma ŋau wa, sã nŋa fia nŋa, sinti hai bi inɛi ankãanyi ŋau hee ku koo si inɛ sinte ŋau.

Luku 12:43

Inɔ didɔ̃i á jɛ ti amaacɛu bii lafɛ̃ɛɛ í bàa í na í baa wa ce bɛɛbɛ.

Luku 7:13

Iyi Lafɛ̃ɛ í yɛ abou ŋɔi araare í muu, nɔ í sɔ̃ɔ í ni, maà kpata.

Luku 7:19

í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Timɔtee 1, 5:17

Si anyii nŋu, inɛ ngboi igbɛ ŋau iyi à waa ce icɛ jiida, í sĩa i doo ŋa ilu bɛɛrɛ iyi à nɛ aranfãani nla nla. Iyi í re mɔm nŋui í jɛ inɛ ŋa iyi à waa ce kookaai si waazo do cio ku kɔsi.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Ebɛɛ 3:5

Si icɛ iyi Moizi í cea inɛi Izirɛli ŋa fei, í yɛ bɛi amaacɛ ilu naanɛ si kpasɛ̃i Ilaaɔ̃ ku jɛ nwa sɛɛdai mii iyi á na ku ce.

Piɛɛ 1, 4:10

Inɛ baa yooma nŋɛ fei í ba amua hai bi Ilaaɔ̃. Na nŋu, i ceò amua ikã ikãi Ilaaɔ̃u icɛ ŋa i maa sobiò njɛ bɛi woo ce icɛ ilu naanɛ ŋa.