Luku 12:4 - Bibeli do fee

⁴ Iŋɛ iyi ì jɛ kpaasim ŋa, iŋɛi ǹ wa n sɔ̃, i maà ce njoi inɛ ŋa iyi aa kpa ara nŋɛ, nɔ si anyii nŋu a kaa yɔkɔ a ce ngɔgɔ má.

Luku 12:4 Iomraidhean Croise

Mɔnda ŋa 29:25

Njoi amanɛ ŋa iyi ì waa ce ŋai í jɛ bɛi cɛkũm du ŋɛ. Amma nkãma ci ya ba inɛ iyi í dasi Aɔ̃ Lafɛ̃ɛ naanɛ.

Iri ku kɔ̃ iyi í dɔ̃ í re 5:1

ǹ lɔ si inɔ lambom awɔ wecĩm, awɔ iyi à ceem kuwãɛ. Ǹ ka isoi miru do isoi jĩi mmu ŋa iyi à nɛ inunu jiida ŋau. Ǹ jɛ nyikɔ̃ fãfãm, nɔ ǹ mɔ vɛ̃ɛm do amɔm. I jɛ ŋa iŋɛ iyi i bi njɛ ŋa, i mɔ ŋa hee kubiu ku kpa ŋɛ bɛi atɛ̃ vɛ̃ɛ.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Ezai 41:8

Awɔ Izirɛli woo ce icɛm, sotĩ i gbɔ. Awɔ zamaai Zakɔbu iyi ǹ cica, awɔ dimii Aburahamu kpaasim nii.

Zeremi 1:17

Awɔ Zeremi, dede i ce sɔɔlu i koo i sɔ̃ ŋa iyi an sɔ̃ɛ fei. Maà ti i ce njo si waju nŋa i maa yaya, ku ba amu takam n maà n na n jɔ̀ i maa yaya si waju nŋa.

Zeremi 1:8

Ŋɔi Aɔ̃ Lafɛ̃ɛ í sɔ̃m má í ni, maà ce njo nŋa, domi ǹ wɛɛ do awɔ nɔ an faabaɛ.

Zeremi 41:18

nɔ aŋa a jĩò inɛi Kaladee ŋa iyi njo wa mu ŋa siu, si na iyi í jɔ̀ Isimaɛli amai Netania í tako í kpa Gedalia amai Ahikamu iyi ilaalui Babilɔni í cica í jilɛ si ilɛu.

Ezekiɛli 2:6

Awɔ amanɛ, maà jɔ̀ njo ku muɛ si ŋa, maà jɔ̀ njo ku muɛ si ide ku fɔ nŋa. Á yɛ bɛi aa koo wa si inɔi agũ ŋai nɔ aa koo buba si antaii cencee ŋai. Do nŋu fei maà jɔ̀ zigiɛ ku daò ide nŋa, nɔ i maà maa yaya do njo si waju nŋa si na iyi í jɔ̀ à jɛ inɛ ŋa iyi à yika itĩ.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Laabaau jiida iyi Zãa í kɔ 15:13

Kubi nla gɔ kù wɛɛ iyi í re inɛ ku ku si agbɛi kpaasiɛ ŋa.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 4:13

Iyi inɛ ŋau à gbɔ ideu ŋɔi à biti domi à yɛ wɔɔkɔi Piɛɛ do Zãa nɔ à mà gbakã iyi taaka ŋai iyi a kù ce baa cio. Ŋɔi à mà iyi aŋai à wɛɛ wo do Jesu.

Filipi 1:28

I maà jɔ̀ mbɛɛ nŋɛ ŋa a da zigi nŋɛ si nkãma. Nŋui á nyisi ŋa iyi aŋai à waa bɔ nfe ku ce, nɔ ku nyisi iŋɛ mɔ iyi ì wa si kpãai faaba ŋa. Iyi bɛ fei wa naai hai bi Ilaaɔ̃,

Zaaki 2:23

Bɛɛbɛi kukɔi idei Ilaaɔ̃u í ce iyi í ni, Aburahamu í dasi Ilaaɔ̃ naanɛ, nɔ do saabui naanɛu Aɔ̃ mɔ í kàa si inɛ dee dee. Nɔ à waa kpoo kpaasii Ilaaɔ̃.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.