Luku 12:37 - Bibeli do fee

³⁷ Woo ce icɛ ilu inɔ didɔ̃ ŋai, inɛ ŋa iyi lafɛ̃ɛ nŋau á na ku ba à cɔ kpãa à waa degbe ku toɛ wa. Ntɔ ntɔ ǹ wa n sɔ̃ ŋɛ, nŋu takaɛ á dĩ gbankili nɔ ku jɔ̀ a buba nɔ ku na ku kpɛ̃ nŋa ijɛ.

Luku 12:37 Iomraidhean Croise

Ezai 62:5

Ntɔ ntɔ, bɛi awaasũ í ya ce abɔdɔ̃ do mudɛ̃ɛ, bɛɛbɛ mɔi inɛ iyi í teese wa maɛui á jɛ mɔkɔɛ. Nɔ yaase bɛi mudɛ̃ɛ iyi í nɛ awaasũ í ya jɔ̀ awaasũu ku maa nɛ inɔ didɔ̃, bɛɛbɛi awɔ mɔ aa jɔ̀ inɔi Aɔ̃ Lafɛ̃ɛɛ ku maa dɔ̃.

Zeremi 32:41

An ya n nɛ inɔ didɔ̃i n maa n ce nŋa jiida, nɔ n jɔ̀ a buba si ilɛu ihɛ̃ do idɔm fei do lasabum fei hee do ajɔ fei.

Sofoni 3:17

Aɔ̃ Lafɛ̃ɛɛ í wa bi tɛɛ, nɔ nŋui í jɛ woo ja igũ iyi á faabaɛ. Á wɛɛò inɔ didɔ̃ nla nlai na iriɛ. Kubiɛui á jɔ̀ i ba kuwɛɛ titɔ̃. Á ya dɔ̃ anui do inɔ didɔ̃ na iriɛ.

Matie 24:42

Na nŋu, i wɛɛò sɔɔlu ŋa, domi i kù mà ajɔ iyi Lafɛ̃ɛ nŋɛ á nyi wa.

Luku 12:36

I jɔ̀ i yɛ bɛi inɛ ŋa iyi à waa degbe kubaai lafɛ̃ɛ nŋa wa hai bi ku ce abɔdɔ̃, ku ba bii í to wa í cã gambo gbakã a cĩaa.

Luku 12:43

Inɔ didɔ̃i á jɛ ti amaacɛu bii lafɛ̃ɛɛ í bàa í na í baa wa ce bɛɛbɛ.

Luku 17:8

Amma á sɔ̃ɔi ku ni, ceem ijɛ, kpaasi jaaɛ ŋa, i naam ijɛ wa hee n jɛ n mɔ. Si anyiɛ, awɔ mɔ aa jɛ nɔ i mɔ.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 22:27

Inɛ iyi í buba wa jɛ si antaii taabu do inɛ iyi wa naaò ijɛu wa, yoo nŋai í re. Kù jɛ inɛ iyi wa jɛui? To, amu wee ǹ wa inɔ nŋɛi bɛi inɛ iyi wa naaò ijɛu wa.

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Kɔrɛnti 1, 2:9

Amma kukɔi idei Ilaaɔ̃ í ni, iyi iju kù yɛ ajɔ kãma, nɔ itĩ kãma mɔ kù gbɔɔ, iyi kù nɔ kù lɔ si idɔi amanɛ, nŋui Ilaaɔ̃ í cea inɛ ŋa iyi à buu sɔɔluɛ.

Filipi 1:21

Ntɔ ntɔ, bi tom bii ǹ wɛɛ, na irii Kirisii ǹ wɛɛ, bii ǹ nɔ ǹ ku mɔi, an ba riba.

Filipi 1:23

Lasabum wa fam ni do cingaa minji minji fei. Ǹ bi n nɛ n koo n wa bi Kirisi, domi iyi bɛi á sĩa ku re.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Kuyɛi Zãa 14:13

Si anyii nŋu, ǹ gbɔ ide ku fɔ gɔ má hai lele í ni, kɔ iyi ihɛ̃, ilu inɔ didɔ̃ ŋai inɛ ŋa iyi aa na a ku hai nsɛi na naanɛ iyi à dasi Lafɛ̃ɛ. Ŋɔi Hundei Ilaaɔ̃ í ni, ntɔi, bɛɛbɛi. Aa sĩmi, domi ribai icɛ jiida nŋa á too ŋa.

Kuyɛi Zãa 16:15

Ŋɔi Jesu í ni, ǹ wa n naa si ŋɛi bɛi ile. Ilu inɔ didɔ̃i inɛ iyi wa wɔ njoo, nɔ wa dasi jĩnɛɛ ŋa ku ba ku maà na ku dasi kpãa basĩ ku na ku yɛ anyɔ si bantuma.

Kuyɛi Zãa 3:21

Inɛ iyi í jɛ igũ, lafɛ̃ɛi an jɔ̀ ku bam ku buba si kitãi bommam, si bɛi amu mɔ ǹ jɛ igũ nɔ ǹ buba do Baam si kitãi bommaɛ.

Kuyɛi Zãa 7:17

Angudã iyi wa leekĩ bi kitãi bommau á gbã ŋa ku bɔò ŋa isɔ̃i kuwɛɛ. Ilaaɔ̃ mɔ á gbã cikãaju nŋa fei.