Luku 12:31 - Bibeli do fee

³¹ Na nŋu, i hanya i dɛ bɛi aa ce i jɔ̀ bommai Ilaaɔ̃ ku bɔ waju titã ŋa. Iyi í gbe bɛi fei Ilaaɔ̃i á kɔ̃ɔ nŋɛ si.

Luku 12:31 Iomraidhean Croise

Iri ku kɔ̃ 34:9

I ce laakai i cɔ ŋa nɔ i yɛ bɛi jiida ku jɛɛ í la í to. Inɛ iyi í ce bi ku manjiɛ bi Aɔ̃ Lafɛ̃ɛ ilu inɔ didɔ̃i.

Iri ku kɔ̃ 37:19

A kaa wa si anyɔ waati iyi wahala á to wa, nɔ waati iyi ari nla nla á naa aa maa jɛi bɛi à bi.

Iri ku kɔ̃ 37:25

Hai waati iyi ǹ wɛɛ awaasũ, hee wee nsɛi ǹ gbo, n kù yɛ bii Aɔ̃ Lafɛ̃ɛ í fũsi inɛ dee dee awɔ, n kù yɛ bii tɔkuɛ ŋa à koo à waa bara à bɛi à waa jɛ.

Iri ku kɔ̃ 37:3

Dasi Aɔ̃ Lafɛ̃ɛ naanɛ nɔ i maa ce mii iyi í sĩa. Wa si ilɛu nɔ i maa jɛ kuwɛɛɛ si dee dee ku jɛ.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Ezai 33:16

inɛ dimi bɛɛbɛ, si geete ŋai á wa. Kuta ku nɛ gbugbã ŋai aa jɛ bi ku manjiɛ. Aa muaa pɛ̃ɛ, nɔ aa naa inyi ku mɔ.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Luku 10:42

Amma bukaatai mii akãi amanɛ í nɛ. Nŋui Maari njɛ í cica bɛ, nɔ inɛ kãma kaa gbaa siɛ má.

Luku 12:30

Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ í mà iyi ì nɛ bukaatai mii ŋau bɛ fei ŋa.

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Timɔtee 1, 4:8

Ntɔi, icɛi ara aranfãaniɛ kù la, amma idei Ilaaɔ̃ ku leekĩ si í nɛ aranfãani si mii fei, domi si bɛi à nɛ kuwɛɛi nsɛi do ti ala.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.