Luku 12:28 - Bibeli do fee

²⁸ Fɔfɔ í wɛɛi nnyi do kusĩaɛ amma ala aa dasiɛ ina. To, bii Ilaaɔ̃ í mua fɔfɔ ŋa iyi aa na a dasi ina booda kusĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?

Luku 12:28 Iomraidhean Croise

Ezai 40:6

Inɛ gɔ í ni, dɔ̃ anu, nɔ inɛ mmu gɔ í jɛ í ni, bɛirei an dɔ̃ anu n ni. Nɔ à jɛaa à ni, aa dɔ̃ anui i ni, amanɛ í yɛi bɛi fɔfɔ tũtũ. Kusĩaɛ fei í yɛi bɛi kokoi jĩi ndii sako.

Matie 14:31

Nɔ gbakã Jesu í yɔ awɔ í muu nɔ í ni, na mii í ce ì waa sika sika má. Naanɛɛ kù la.

Matie 16:8

Amma Jesu í mà lasabu nŋa iyi à waa ce nɔ í bee ŋa í ni, na mii í ce ì waa ni ŋa, na iyi í jɔ̀ iŋɛ i kù so pɛ̃ɛ kosĩai í jɔ̀ ǹ wa n fɔ bɛɛbɛ. Naanɛ nŋɛ kù la.

Matie 17:17

Jesu í ni, iŋɛ inɛ laalɔ hai dasi naanɛ ŋa, hee waati yoomai an maa n wa inɔ nŋɛ. Mà hee waati yoomai an maa n temuaò ŋɛ. I naam amau wa ihɛ̃ ŋa.

Matie 17:20

Nɔ Jesu í jɛ nŋa í ni, si na iyi í jɔ̀ naanɛ nŋɛ kù lai. Ntɔ ntɔ ǹ wa n sɔ̃ ŋɛi, bii naanɛ nŋɛ í la í to baa dimii mii ku gbɛ̃ iyi í kere í re, aa yɔkɔ i sɔ̃ iri kutau ihɛ̃ ŋa i ni ku dede hai bɛ ku bɔ ihɔ̃, nɔ bɛɛbɛ mɔi á dede. Nkãma kù wɛɛ iyi aa mɔngɔ ku ce ŋa. [

Matie 6:30

Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda kusĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?

Matie 8:26

Ŋɔi Jesu í sɔ̃ ŋa í ni, naanɛ ku dasi nŋɛ kù la. Na mii í ce ì jɔ̀ njo wa mu ŋɛ ŋa. Iyi í fɔ bɛɛbɛ í tã, ŋɔi í dede í la si inyiu do fufuu nɔ à coko sɔ̃m sɔ̃m.

Luku 8:25

Nɔ í bee mɔcɔɛ ŋau í ni, hee iwoi naanɛ iyi ì dasim ŋa í wa. Nɔ njo í mu ŋa à biti, à bee njɛ à waa ni, dimii amanɛ yoomai ihɛ̃, iyi wa ba fufu do inyi ide ku fɔ nɔ à waa gbɔ ideɛ.

Ebɛɛ 6:7

Ntɔ ntɔ, ilɛ á yɔkɔ ku mɔ inyii ijĩ nɔ amaajɛ iyi á cea woo logoo ŋa aranfãani á fita. Bii ilɛu í ce bɛɛbɛ, á ba kuweei Ilaaɔ̃.

Piɛɛ 1, 1:24

Kukɔi idei Ilaaɔ̃ wa fɔ í ni, inɛ fei í yɛi bɛi fɔfɔ, nɔ bɛɛrɛi inɛ fei í yɛi bɛi kokoi fɔfɔu. Fɔfɔ í ya gbɛ, nɔ kokoɛ ku wɔ.