Luku 12:21 - Bibeli do fee

²¹ Ŋɔi Jesu í ni, bɛɛbɛ mɔi á jɛ bi inɛ iyi wa koa araɛ amani nɔ bi Ilaaɔ̃ kù nɛ nkãma.

Luku 12:21 Iomraidhean Croise

Mɔnda ŋa 13:7

Inɛ gɔ ŋa à waa ce ara nŋa ilu amani, a kù bɛi a kù nɛò nkãma. Amma inɛ gɔ ŋa à waa ce ara nŋa ilu are, nɔ à nɛ amani nkpɔ nkpɔ.

Ozee 10:1

Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Abakuku 2:9

Inɔ kufɔi á jɛ ti iŋɛ iyi ì waa ko amani ŋa do yaase iyi kù jɛ dee dee na irii kpasɛ̃ nŋɛ ŋa, nɔ ì waa lasabu ì jɛò ilu bɛɛrɛ nla nla ŋa ku ba ijuukpã ku fo iri nŋɛ.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 16:11

Na nŋu, bii i kù nɛ naanɛ si amanii andunya ŋa, yooi á da nŋɛ si amani ntɔ si awɔ.

Luku 6:24

Amma inɔ kufɔi á jɛ ti iŋɛ ilu fia ŋa, domi ì ba inɔ nŋɛ í tũ tã ŋa.

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Kuyɛi Zãa 2:9

ǹ mà ijuukpã nŋɛ, nɔ ǹ mà are ku jɛ nŋɛ. Do nŋu fei, ì jɛ ilu amani ŋa. Inɛ ŋa iyi à waa kpe ara nŋa Zuifu amma a kù jɛ Zuifu ŋa, ǹ mà laalɔ iyi à ya maa má ŋɛ. Inɛ ŋau inɛi igbɛi Seetam ŋai à jɛ.