Luku 12:20 - Bibeli do fee

²⁰ Amma Ilaaɔ̃ í sɔ̃ɔ í ni, awɔ nnyɛi, idũuyi mɔm aa nya hundeɛ. Sɔɔlui mii ŋa iyi ì ceu bɛ, ti yooi á jɛ.

Luku 12:20 Iomraidhean Croise

Ɛsitɛɛ 5:11

Ŋɔi Hamaa wa tɔɔ fufu si waju nŋa na amaniɛ ŋa iyi í nɛ do bɛi kukpɔi amaɛ ŋa í to do bɛi ilaaluu í jɔ̀ í nɛ bɛɛrɛ nla nla í re woo ce icɛ ŋau fei do akawe ŋau.

Zɔɔbu 27:8

Kpãa ku cɔ yoomai í ya wɛɛa inɛ laalɔ bii Ilaaɔ̃ í nya hundeɛ, walakɔ bii í leekĩ kuwɛɛɛ.

Iri ku kɔ̃ 39:6

Wee ì ni kuwɛɛ iyi ì nam kù re kucĩi ataawɔ, kuwɛɛm kù jɛ nkãma bi titɛɛ. Ntɔ ntɔ amanɛ baa yooma iyi í wɛɛ fei, í yɛi bɛi fufu. Kusĩmi.

Iri ku kɔ̃ 49:10

Aa maa wɛɛ bɛɛbɛ hee do ajɔ fei a kaa ku?

Iri ku kɔ̃ 73:19

À ce nfei anu akã. Kuwɛɛ nŋa í to kɔɔ. Zigiida í ce nfe nŋai anu akã.

Iri ku kɔ̃ 78:30

Waati iyi sɔndau í wa si gɛlɛ nŋa, à waa jɛ a kù tã,

Mɔnda ŋa 10:2

Amani ŋa iyi inɛ í ba do kpãa laalɔ ci ya nɛ aranfãani, amma dee dee ku jɛ í ya nya inɛi hai andɛi iku.

Mɔnda ŋa 11:4

Ajɔi kiitii Ilaaɔ̃, amani kaa yɔkɔ ku faaba amanɛ, dee dee ku ce nŋu akãi á nya inɛ si iku ajɔ nŋu.

Mɔnda ŋa 13:7

Inɛ gɔ ŋa à waa ce ara nŋa ilu amani, a kù bɛi a kù nɛò nkãma. Amma inɛ gɔ ŋa à waa ce ara nŋa ilu are, nɔ à nɛ amani nkpɔ nkpɔ.

Mɔnda ŋa 27:1

Maà maa tɔɔ fufu do mii iyi aa ce ala, domi i kù mà baa mii iyi á ce nnyi.

Mɔnda ŋa 28:8

Woo wɛ̃a inɛ ŋa fia do inyi nla nla, amaniɛ á nyi bi inɛ iyi í nɛ araarei ilu are ŋa.

Ezai 56:12

À ya fɔi a maa ni, i naa wa ŋa kaa dɛdɛ atɛ̃ vɛ̃ɛ nɔ ka mɔ atɛ̃ iyi í nɛ gbugbã. Nɔ ala má, bɛɛbɛi aa ka ce, domi nkpɔ nkpɔi í gbe iyi aa ka mɔ má.

Zeremi 17:11

Inɛ iyi í ba amani ŋa do kpãa iyi kù jɛ dee dee, í yɛi bɛi kpau iyi wa wɔɔba si njɛ ŋa iyi kù jɛ titɛɛ. Amaniɛu í ya na ku nɛ ku jɔ̀ɔi waati iyi kuwɛɛɛ í to anini, nɔ si waatii iri ku kpai kuwɛɛɛu, í ya baa ku jɛ nnyɛii.

Amɔsu 6:13

Inɔ didɔ̃i igũ iyi ì jɛ si ilui Lo-Dabaai ì waa kpɛ̃ ŋa. Nɔ ì fɔ ì waa ni ŋa, na saabui gbugbã nwai à kãmiaò ilui Kanaimu.

Nahumu 1:10

Baa bii í jɛ à yɛ bɛi agũ ŋa iyi à tɔtɔɔ inya akã nkpɔ nkpɔ, aŋa iyi à ya mɔ atɛ̃ nŋa hee kú maa kpa ŋa, aa ce nfe nŋai mam mam bɛi ina í ya cea fɔfɔ ngbɛ.

Luku 11:40

Iŋɛ hai nɛ yaase ŋa, inɛ iyi í taka anyii ara, lafɛ̃ɛ si í ce inɔɛ mɔ?

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 1, 6:7

Ntɔ ntɔ, a kù naaò nkãma wa si andunyau ihɛ̃, nɔ bɛɛbɛ mɔi a kaa ka nɛò nkãma.

Zaaki 4:14

I kù mà bɛi ala nŋɛ á yɛ. Mii kuwɛɛ nŋɛ í jɛ. Kuwɛɛ nŋɛ í yɛi bɛi bukɔɔ iyi á tɔtɔɔ nsɛi nsɛi nɔ ku fangaa má.