Luku 12:19 - Bibeli do fee

¹⁹ Nɔ n fɔ si idɔm n ni, ǹ nɛ amani nla nla iyi ǹ wa n singa ti adɔ̃ nkpɔ nkpɔ. An sĩmii nɔ n maa n jɛ n maa n mɔ nɔ n maa n wɛɛò inɔ didɔ̃.

Luku 12:19 Iomraidhean Croise

Zɔɔbu 14:1

Amanɛ iyi inaabo í bí, kuwɛɛɛ ci ya sɔ nɔ í ya kɔ̃i do wahala.

Iri ku kɔ̃ 49:18

domi bii í ku, kaa nɛò nkãma, amaniɛ kaa tooɛ si inɔ balɛ.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Mɔnda ŋa 10:2

Amani ŋa iyi inɛ í ba do kpãa laalɔ ci ya nɛ aranfãani, amma dee dee ku jɛ í ya nya inɛi hai andɛi iku.

Mɔnda ŋa 14:24

Amanii í ya jɛ ribai ilu laakai ŋa, amma nnyɛi ŋa a ci ya jɔ̀ idei awɔ anyi ku ce nŋa.

Mɔnda ŋa 18:11

Ilu fia amaniɛi í ya maa kaaba, nɔ ku maa cɔɔ bɛi bindi ku nɛ gbugbã iyi á maa degbe nŋu.

Mɔnda ŋa 23:5

Hai ì yɔsi amani iju gbakã ì ya ba wee í fangaa í tã tãi. Í yɛi bɛi amaniu í ce ikpa ŋai nɔ í fo hee lele bɛi kungbã.

Mɔnda ŋa 27:1

Maà maa tɔɔ fufu do mii iyi aa ce ala, domi i kù mà baa mii iyi á ce nnyi.

Woo lasabu 11:9

Awɔ awaasũ, wɛɛò inɔ didɔ̃ waati iyi ì waa jɛ awaasũ. Ce mii iyi á dɔ̃ɛ si nɔ i jɛ awaasũɛ bɛi ì bi. Amma jɔ̀ i mà iyi Ilaaɔ̃ á na ku kiitiɛ si mii ŋa iyi ì ce fei.

Woo lasabu 2:24

Mii iyi í jɛ jiida iyi í gbea amanɛ, nŋui í jɛ ku jɛ do ku mɔ nɔ ku nɛ inɔ didɔ̃ si icɛɛ. Nɔ ǹ yɛ iyi Ilaaɔ̃i á muaa didɔ̃u bɛ,

Ezai 22:13

Amma iŋɛ, inɔ didɔ̃ nla nlai ì wɛɛò ŋa. Kɛtɛ ŋa do angudã ŋai ì kpa ì waa ŋɔ ŋa. nɔ ì waa mɔ atɛ̃ vɛ̃ɛ ŋa. Ì fɔ ì waa ni ŋa, ka jɛ ka mɔ, domi ala aa ka kui.

Ezai 5:11

Inɔ kufɔi á jɛ ti inɛ ŋa iyi hai iju í má daakɔ gbakã si atɛ̃ ku kpa inɛi à ya jĩ si, nɔ idũ má, do atɛ̃ui à ya gbãaò ara nŋa.

Ezai 5:8

Inɔ kufɔi á jɛ ti inɛ ŋa iyi à ya maa kɔ̃ɔsi kpasɛ̃ si kpasɛ̃ nŋa ŋa, nɔ à ya maa kɔ̃ɔsi iko ŋa si iko nŋa ŋa hee ku to tengi bii aŋai aa gba inya nla nla, nɔ à wɛɛ aŋa akã si ilɛu.

Ezai 56:12

À ya fɔi a maa ni, i naa wa ŋa kaa dɛdɛ atɛ̃ vɛ̃ɛ nɔ ka mɔ atɛ̃ iyi í nɛ gbugbã. Nɔ ala má, bɛɛbɛi aa ka ce, domi nkpɔ nkpɔi í gbe iyi aa ka mɔ má.

Ozee 12:8

Gũa ibo ŋai inɛi Kanaã ŋa à waa mu si awɔ. À ya bi inɛ ŋa ku zambai.

Amɔsu 6:13

Inɔ didɔ̃i igũ iyi ì jɛ si ilui Lo-Dabaai ì waa kpɛ̃ ŋa. Nɔ ì fɔ ì waa ni ŋa, na saabui gbugbã nwai à kãmiaò ilui Kanaimu.

Abakuku 1:16

À ya maa cea taaò nŋa ŋau kuwee nɔ à ya jo nŋa tuae ku dɔ̃ inunu, domi do saabu nŋai à baò sɔnda didɔ̃ nkpɔ nkpɔ.

Luku 12:18

Ŋɔi í ni, ǹ mà bɛi an ce. An lɛgɛ akam ŋaui, nɔ n ma mmuɛ ŋa iyi aa la a re. Nɔ n kosi bileem fei bɛ do ijɛm ŋa iyi à gbe.

Luku 16:19

Ŋɔi Jesu í kpa nŋa mɔndau ihɛ̃ í ni, mɔkɔ ilu amani gɔ í wɛɛ. Mɔkɔu í ya maa dasi ibɔ caada ilu iju kusĩa gɔ. Kpasɛ̃ɛ ajɔ fei jingaui.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Kɔrɛnti 1, 15:32

Inɛ ŋa iyi à kɔ̀sim Efɛɛzu bɛ à yɛi bɛi mɛɛmui sako ŋa iyi awaò ŋa à waa jabu. Aranfãani yoomai ǹ nɛ bii í jɛ ǹ wa n jabui na didɔ̃i andunyau ihɛ̃ nŋu akã. Bii í jɛ iku ŋa a kaa jĩ, ka jɛ nɔ ka mɔ domi ala aa ka ku.

Filipi 3:19

Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.

Timɔtee 1, 5:6

Amma jaaɔ̃ iyi wa jɛ andunyaɛ do faayi í yɛ bɛi iku baa bii í wɛɛ si hunde.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 2, 3:4

Aa jɛ ilu zamba ŋa, a kaa nɛ lasabu jiida, aa nɛ faau. Aa bi faayii andunya ku re Ilaaɔ̃.

Zaaki 5:5

Ì ce kuwɛɛ nŋɛ ŋa si andunya do amani nla nla do faayi. Ì jɛ ì ce kaato bɛi angudã iyi aa bɔò asɔ laga ŋa.

Piɛɛ 1, 4:3

Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Kuyɛi Zãa 18:7

Zaka bɛi í so araɛ lele í wɛɛ do inɔ didɔ̃ si amani nlaɛ, iŋɛ mɔ i nyisiɛ ijuukpã do inɔ kufɔ zaka bɛɛbɛ ŋa. Wa ni si idɔɛ, ǹ wa n buba bɛi inaabo ilaalu, n kù jɛ jaaɔ̃. Bɛɛbɛ mɔi n kaa n yɛ inɔ kufɔ pai.

Samuɛli 1, 30:16

Ŋɔi awaasũu í gbã Davidi í bɔòɛ hee bi inɛi Amalɛki ŋa, nɔ í ba wee à waa tɛ si ilɛu à wasi ku jɛ nɔ à waa mɔ à waa jojo si na iyi í jɔ̀ à so amani nla nla wa hai ilɛi inɛi Filisi ŋa do ilɛi Zudaa.