Luku 12:17 - Bibeli do fee

¹⁷ Ŋɔi mɔkɔu í lasabu í ni, bɛirei an ce. Wee n kù nɛ bii an dasi ijɛu.

Luku 12:17 Iomraidhean Croise

Woo lasabu 11:2

I ya cea inɛ nkpɔ amua domi i kù mà wahala iyi á na ku baɛ si andunya.

Ezai 58:7

Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.

Matie 16:7

Ŋɔi mɔcɔ ŋau à waa lasabu si idɔ nŋa à waa ni, na iyi í jɔ̀ a kù so pɛ̃ɛ kosĩai í jɔ̀ wa fɔ bɛɛbɛ.

Matie 5:42

Bii inɛ gɔ í tɔɔɛ mii gɔ, muaa. Bii inɛ gɔ í naa mii gɔ ku kãaye bi tɛɛ, maà kɔ̀.

Luku 10:25

Ajɔ nŋu gɔ woo kɔ inɛ ŋa si wooda gɔ í dede ku cã idɔi Jesu nɔ í ni, Mɛɛtu, bɛirei an ce n baò kuwɛɛ hai tã.

Luku 11:41

Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Luku 12:16

Nɔ í kpa nŋa mɔnda gɔ í ni, ikoi mɔkɔ ilu fia gɔ í ce ijɛ jiida jiida.

Luku 12:18

Ŋɔi í ni, ǹ mà bɛi an ce. An lɛgɛ akam ŋaui, nɔ n ma mmuɛ ŋa iyi aa la a re. Nɔ n kosi bileem fei bɛ do ijɛm ŋa iyi à gbe.

Luku 12:22

Iyi Jesu í fɔ bɛɛbɛ í tã ŋɔi í sɔ̃ mɔcɔɛ ŋa í ni, na ŋɔi í jɔ̀ ǹ wa n sɔ̃ ŋɛ ǹ ni, i maà ya jɔ̀ zigii nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa.

Luku 12:29

I maà ya jɔ̀ zigi nŋɛ ku maa da do mii iyi aa jɛ ŋa walakɔ mii iyi aa mɔ ŋa.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 16:3

Ŋɔi amaacɛu wa bee araɛ ide wa ni, bɛirei an ce, si bɛi lafɛ̃ɛm wa nyam hai si icɛi kpasɛ̃ɛ. Wee n kù nɛ gbugbã iyi an yɔkɔ n logooò, nɔ wee anyɔ kaa jɔ̀ n bara.

Luku 16:9

Ŋɔi Jesu í sɔ̃ ŋa í ni, amanii andunya iyi ì nɛ, i ya dɛdɛò kpaasi ŋa ku ba bii í na í tã Ilaaɔ̃ ku gba ŋɛ si andunya titɔ̃ɛ.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 19:17

Ŋɔi í sɔ̃ɔ í ni, í sĩa, awɔ amaacɛ jiidai. Si bɛi ì jɛ ilu naanɛ si mii keekeu ihɛ̃, an jɔ̀ i jɛ inɛ ngbo si ilu mɛɛwa.

Luku 3:11

Nɔ í jɛ nŋa í ni, inɛ iyi í nɛ ibɔ minji ku so akã ku mua kpaasiɛ iyi kù nɛ, nɔ inɛ mɔ iyi í nɛ ijɛ ku kpɔ̃ɔ do kpaasiɛ.

Woo bɛ ŋa 16:30

Ŋɔi í fitaò ŋa wa waduude í ni, i suuru ŋa, mii an ce n baò faaba.

Woo bɛ ŋa 2:37

Iyi inɛ ŋau à gbɔ bɛɛbɛ ŋɔi ideu í to si ŋa ntɔ ntɔ, nɔ à bee Piɛɛ do woo bɛ iyi à gbe ŋau à ni, iŋɛ kpaasi nwa ŋa, bɛirei aa ka ce.

Romu 12:13

I ya sobi inɛ ŋa iyi à jɛ ti Ilaaɔ̃ si bukaatai mii iyi à bi. Nɔ i ya yaaɛ inɛ njoo ŋa.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Zãa 1, 3:16

À mà bɛi kubi í yɛ si na iyi í jɔ̀ Kirisi í na kuwɛɛɛ na iri nwa. Na nŋu, awa mɔ ka na kuwɛɛ nwa na irii kpaasi nwa ŋa.