Luku 12:15 - Bibeli do fee

¹⁵ Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 12:15 Iomraidhean Croise

Ilaalu 1, 2:40

Ŋɔi Simei í dede í dĩa gbankɛlɛɛ gaayi í bɔ Gati bi Akisi aruɛ ŋau ku dɛdɛ wa. Iyi í yɛ ŋa nɔ í baaò ŋa wa.

Zɔɔbu 2:4

Ŋɔi Seetam í jɛa Aɔ̃ Lafɛ̃ɛ í ni, bɛɛbɛi. Mii iyi amanɛ í nɛ fei á jɛsi ku ce asɔɔ ku yaò hundeɛ.

Iri ku kɔ̃ 10:3

Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Iri ku kɔ̃ 37:16

Amani keeke iyi inɛ dee dee í nɛ, í tia amani bututui inɛ laalɔ ŋa.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Mɔnda ŋa 15:16

Í sĩa i nɛ nyankuti i maa màò bɛɛrɛi Aɔ̃ Lafɛ̃ɛ do iyi aa jɛ ilu amani nɔ i maa wɛɛò zigiida.

Mɔnda ŋa 16:16

Bii amanɛ í nɛ laakai, í sĩa í re ku nɛ wura, nɔ bii í nɛ bisi, í sĩa í re ku nɛ isɔ fũfũ.

Mɔnda ŋa 28:16

Inɛ ngbo iyi kù nɛ laakai í ya maa raraa inɛ ŋai kpaakpaa, amma inɛ iyi kù bi amani ku ba do daa sãmi, hundeɛ í ya sɔi.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Misee 2:2

Bii à ce binɛi ikoi inɛ ŋa, à ya gbaai. Bii à ce binɛi kpasɛ̃i inɛ ŋa, à ya gbaai. À ya taa ilu kpasɛ̃ do inɛɛ ŋa gbugbãi nɔ mii iyi inɛ ŋau à nɛ fei, à ya kooi.

Abakuku 2:9

Inɔ kufɔi á jɛ ti iŋɛ iyi ì waa ko amani ŋa do yaase iyi kù jɛ dee dee na irii kpasɛ̃ nŋɛ ŋa, nɔ ì waa lasabu ì jɛò ilu bɛɛrɛ nla nla ŋa ku ba ijuukpã ku fo iri nŋɛ.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Luku 12:16

Nɔ í kpa nŋa mɔnda gɔ í ni, ikoi mɔkɔ ilu fia gɔ í ce ijɛ jiida jiida.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Kɔrɛnti 1, 6:10

do ile ŋa do ilu binɛ ŋa do woo mɔ atɛ̃ hee ku caa ŋa do woo yaako inɛ ŋa do woo jɛ inɛ takii ŋa a kaa ba tubu si bommai Ilaaɔ̃.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Timɔtee 2, 3:2

Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.

Zozue 7:21

Si inɔi mii ŋa iyi à ba si igũu ǹ yɛ ibɔ kumboo kusĩa gɔ iyi à ce ilɛi Sinaa, do isɔ fũfũ kpɛkɛlɛ cĩɔ minji, do wura iyi kuwoɛ í to bubui kiloo, ŋɔi binɛm í lɔ si ŋa nɔ ǹ so ŋa. Fei ndɛɛ wa singa inɔ isa si aninii inɔ ilei acɔm bɛ nɔ isɔ fũfũu í wa lɛlɛ nŋa.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.