Luku 12:14 - Bibeli do fee

¹⁴ Ŋɔi Jesu í jɛaa í ni, mɔkɔɔyi, yooi í cem woo kiiti nŋɛ walakɔ woo kpɛ̃ tubu nŋɛ.

Luku 12:14 Iomraidhean Croise

Kufita 2:14

Nɔ inɛɛu í jɛaa í ni, yooi í jilɛɛ ilaalu walakɔ woo kiiti si inɔ nwa. Mà ì waa bi i kpam bɛi ì kpa inɛi Ezibitiui. Ŋɔi njo í mu Moizi nɔ í ni, ntɔ ntɔ inɛ ŋa à mà ideui.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Luku 12:13

Si inɔ zamaau ŋɔi inɛ gɔ í sɔ̃ Jesu í ni, Mɛɛtu, sɔ̃ igbãm ku jɔ̀ ka kpɛ̃ tubu nwa.

Luku 22:58

Iyi í ce sãa má ŋɔi inɛ gɔ í yɔɔ nɔ í ni, awɔ mɔ inɛ akãi inɛ ŋaui. Amma Piɛɛ í ni, mɔkɔɔyi, n kù jɛ inɛ nŋa.

Luku 5:20

Iyi Jesu í yɛ naanɛ nŋa ŋɔi í sɔ̃ wɛɛgɛu í ni, mɔkɔɔyi, ǹ kpa idei dulum dɛɛ.

Laabaau jiida iyi Zãa í kɔ 6:15

Ŋɔi inɛ ŋau à waa bi a muu do gbugbã a coo ilaalu. Amma si bɛi Jesu í mà si ŋa ŋɔi í nya araɛ nŋu akã í nyi iri kutau má.

Laabaau jiida iyi Zãa í kɔ 8:11

Ŋɔi abou í ni, Lafɛ̃ɛ, baa akã nŋa kù wa ihɛ̃ má. Jesu í ni, amu takam mɔ n kaa n yɛ taaleɛ. Nɛɛ, amma maà ce dulum má.]

Romu 2:1

Na nŋu, awɔ iyi ì waa yɛ taalei inɛ ŋa, baa bii yooi ì jɛ, i kù nɛ iyi aa fɔ, domi waati iyi ì waa yɛ taalei inɛ ŋa nɔ awɔ takaɛ ì waa ce mii laalɔ ŋau bɛ, awɔ takaɛ ì waa so taalei.

Romu 2:3

Debɛi, ì waa tamaa mà awɔ aa fita si kiitii Ilaaɔ̃i, awɔ iyi ì waa yɛ taalei inɛ ŋa, nɔ awɔ mɔ ì waa ce dimi bɛɛbɛ má?

Romu 9:20

Awɔ iyi ì waa fɔ bɛɛbɛ, yooi ì jɛ i bɛi i kakɔɔ Ilaaɔ̃. Caka á yɔkɔ ku bee woo ma ku ni, na mii í ce ì mam bɛ ihɛ̃?