Luku 12:11 - Bibeli do fee

¹¹ Bii à bɔò ŋɛ ile bii à ya ce kutɔtɔɔ ŋa ku ba inɛ ngbo ŋa do ilu yiiko ŋa a kiiti ŋɛ, i maà ti i ce njo do bɛi aa ce i kɔò ara nŋɛ do ide iyi aa fɔ ŋa.

Luku 12:11 Iomraidhean Croise

Kufita 4:12

Na nŋu, koo. Amui an wɛɛ do awɔ bii ì waa fɔ ide, nɔ amui an sɔ̃ɛ ide iyi ì nɛ ku fɔ.

Matie 23:34

Na nŋu, i de itĩ i gbɔ, an bɛ nŋɛ walii ŋa wa do ilu bisi ŋa do woo mà wooda ŋa. Si inɔ nŋa aa kpa gɔgɔ ŋa, nɔ i kpakpa gɔgɔ ŋa mɔ si jĩi ku gaau, gɔgɔ ŋa mɔ nɔ i tɛ nŋa kpɔtɔɔ ile bii ì ya ce kutɔtɔɔ nŋɛ ŋa, nɔ i maa kpã ŋa iju si ilu do ilu ŋa.

Matie 6:25

Na nŋu ǹ wa n sɔ̃ ŋɛi, i maà ya jɔ̀ zigi nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.

Matie 6:27

Yooi si inɔ nŋɛ na zigiidaɛ á yɔkɔ ku kɔ̃ɔsi kusɔi adɔ̃ɛ baa keeke.

Matie 6:28

To, na mii í ce ì ya jɔ̀ zigi nŋɛ ku maa da do idei jĩnɛ ŋa. I cɔ bɛi wua ŋa à ya da koko si inɔ sako mɛɛ. A kù waa ce icɛ a ci ya nɔ a wɔ̃ acɔ.

Matie 6:31

Na nŋu, i maà ya jɔ̀ zigi nŋɛ ku maa da i maa ni ŋa, mii aa ka jɛ, mii aa ka mɔ, walakɔ mii aa ka biiò ara nwa.

Matie 6:34

Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.

Luku 12:22

Iyi Jesu í fɔ bɛɛbɛ í tã ŋɔi í sɔ̃ mɔcɔɛ ŋa í ni, na ŋɔi í jɔ̀ ǹ wa n sɔ̃ ŋɛ ǹ ni, i maà ya jɔ̀ zigii nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa.