Luku 12:1 - Bibeli do fee

¹ Waati iyi Jesu wa fɔ bɛɛbɛ zamaa í tɔtɔɔ dubu nkpɔ nkpɔ hee à waa tɛɛsɛ njɛ. Ŋɔi Jesu í sɔ̃ mɔcɔɛ ŋa si wajui zamaau í ni, i ce laakaii ara nŋɛ ŋa do levɛ̃ɛi Farisi ŋa iyi í jɛ muafiti.

Luku 12:1 Iomraidhean Croise

Ilaalu 2, 7:17

Ilaaluu í kpe amaacɛ iyi í ya lɔkɔsiu í ni koo maa degbe anu koofau. Amma zamaau í tɔɔ í kpaa anu koofa bɛ si bɛi Elizee í fɔ waati iyi ilaaluu í koo siɛ.

Zɔɔbu 20:5

inɔ didɔ̃i igũ ku jɛi woo ce laalɔ ŋa ci ya sɔ. Nɔ bɛɛbɛi inɔ didɔ̃i inɛ iyi kù mà bɛɛrɛi Ilaaɔ̃ ci ya kpɛ.

Zɔɔbu 27:8

Kpãa ku cɔ yoomai í ya wɛɛa inɛ laalɔ bii Ilaaɔ̃ í nya hundeɛ, walakɔ bii í leekĩ kuwɛɛɛ.

Zɔɔbu 36:13

Inɛ laalɔ hai nɛ naanɛ ŋa, idɔ nŋa í ya kɔ̃i, nɔ bii Ilaaɔ̃ í jɔ̀ à dasi wahala, a ci ya tɔɔɛ faaba.

Ezai 33:14

Ilu dulum ŋa iyi à wa Siɔ̃ɔ, zigi nŋa í da. Nɔ inɛ laalɔ ŋa à wasi ku yaya. Yoo nwai á yɔkɔ ku leekĩ kɔkɔi ina iyi wa ce nfei mii ŋa bɛɛbɛ. Yoo nwai á yɔkɔ ku leekĩ kɔkɔi ina nyɛnyɛ hai nɛ kɔɔu bɛ.

Luku 11:44

Aa yɛ ijuukpã ŋa domi ì yɛ ŋai bɛi balɛ ŋa iyi inɛ gɔ kù waa yɛ. Si antai nŋai à waa nɛ a kù nɔ a kù mà.

Luku 12:56

Iŋɛ ilu muafiti ŋa, ì mà yaasei nyindai lele do ilɛ ŋa. Bɛirei í ce i kù mà yaasei waatiu ihɛ̃ ŋa.

Luku 5:1

Ajɔ nŋu gɔ Jesu wa leekĩ kɔkɔi tenku iyi à ya kpe Zenezarɛti, nɔ zamaa nla gɔ wa manteɛ ku ba a gbɔ idei Ilaaɔ̃.

Luku 5:15

Do nŋu fei, iriɛ í fangaa wa kɔ̃ɔsi, nɔ zamaa nla nla í ya maa tɔtɔɔ bi tɛɛ ku ba a gbɔ ideɛ nɔ ku ba a ba iri si bɔ̃ɔ nŋa ŋa.

Luku 6:17

Waati iyi Jesu í cica woo bɛ maateeji ŋau í tã ŋɔi aŋaò ŋa à kita wa à waa leekĩ si ilɛ ku munga anu gɔ. Tengi bɛi mɔcɔ nkpɔɛ ŋau à wa do zamaa nla gɔ. Inɛ ŋau à naai hai ilɛi Zudee fei do Zeruzalɛmu ilu nlaɛ, do hai Tii do Sidɔ̃ɔ, ilu ŋa iyi à wa ikpa bi inyi dũdũ.

Woo bɛ ŋa 21:20

Iyi à gbɔ ideɛ ŋɔi à saabu Ilaaɔ̃. Ŋɔi à sɔ̃ Pɔlu à ni, kpaasi nwa, ì gbɔɔ? Zuifu nkpɔ nkpɔi í dasi Jesu naanɛ nɔ aŋa fei à waa too woodai Moizi do himma.

Kɔrɛnti 1, 15:3

Ide iyi í nɛ amboe í re nŋui ǹ sisi nŋɛ bɛ si bɛi à daam si awɔ. Ideu wee. Kirisi í ku na irii dulum du wa si bɛi kukɔi idei Ilaaɔ̃ wa fɔ.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.