Luku 11:9 - Bibeli do fee

⁹ Na nŋu, ǹ wa n sɔ̃ ŋɛi, i ya tɔɔ ŋa, aa mu nŋɛ. I ya dɛdɛ ŋa aa ba ŋa. I ya cã gambo ŋa, aa cĩ nŋɛ.

Luku 11:9 Iomraidhean Croise

Iri ku kɔ̃ 118:5

Hai si wahala, ǹ kpe Aɔ̃ Lafɛ̃ɛ, nɔ í jɛɛm, í jɔ̀ ǹ nɛ aram.

Iri ku kɔ̃ 27:4

Mii akãi ǹ wa n tɔɔ Aɔ̃ Lafɛ̃ɛ, nɔ nŋui wa mum jiida jiida. Nŋui í jɛ n maa n wa inɔ kpasɛ̃ɛ si kuwɛɛm fei n maa n cɔ jiida ku jɛɛ, nɔ n maa n tɔɔɛ.

Iri ku kɔ̃ 27:8

Aɔ̃ Lafɛ̃ɛ, idɔm í ya sɔ̃m ideɛ ku maa ni, i sinda wa bi tom ŋa. Nɔ ǹ sinda wa bi titɛɛ.

Iri ku kɔ̃ 34:10

Iŋɛ iyi ì jɛ inɛi Aɔ̃ Lafɛ̃ɛ ŋa, i jirimaɛ ŋa domi nkãma ci ya gaizia bi inɛ ŋa iyi à waa jirimaɛ.

Iri ku kɔ̃ 34:4

I bam Aɔ̃ Lafɛ̃ɛ ku na amboe ŋa. Ka na iriɛ bɛɛrɛ ajɔ.

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Iri ku kɔ̃ iyi í dɔ̃ í re 5:6

Ǹ cĩa inɛ iyi ǹ biu amma ǹ ba wee í nɛ. Ǹ fita n dɛdɛɛ, amma n kù yɔɔ. Ǹ kpoo, amma kù jɛɛm.

Ezai 45:19

Nɔ Aɔ̃ Lafɛ̃ɛ í ni má, ide iyi ǹ fɔ, n kù manji n kù fɔɔ, kù nɔ kù jɛ si inyai ilu kuku gɔi ǹ fɔɔ si ilɛu ihɛ̃. N kù sɔ̃ tɔkui Zakɔbu ŋa n kù ni a dɛdɛɛm si inya ngbɛ. Amu Aɔ̃ Lafɛ̃ɛ, iyi í jɛ dee dee do iyi í tɛi ǹ ya n fɔ.

Zeremi 29:12

Waati bɛɛbɛ, aa kpem nɔ aa tɔɔm ŋa, nɔ an jɛ nŋɛ.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Daniɛli 9:3

Ŋɔi ǹ lɔsi kutɔɔ ku ce do anu ku dĩ. Ǹ dasi jĩnɛ ŋa iyi inɛ ŋa à ya dasi bii iku í ce, nɔ ǹ kosi irim ilulu. Si anyii nŋu, nɔ ǹ sinda si Ilaaɔ̃ Lafɛ̃ɛ ǹ wasi ku tɔɔɛ.

Matie 21:22

Bii ì dasi naanɛ ŋa, mii iyi ì tɔɔ Ilaaɔ̃ fei, aa ba ŋa.

Matie 21:31

Si ama minji ŋau yoo nŋai í ce idɔɔbii baaɛ. Ŋɔi à ni, inɛ sinteui. Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, woo gba fiai lɛmpoo do inaabo woo ta icu ŋa aa tako ŋɛ a lɔ si tengi bii Ilaaɔ̃ í jɛ bomma.

Matie 6:29

Amma ǹ wa n sɔ̃ ŋɛ, baa Salomɔɔ ilaalu nlau, do amboe nla nlaɛ fei kù nɛ jĩnɛ iyi boodaɛ í to kokoi jĩi ŋau bɛ baa akã.

Maaku 11:24

Na iyi ihɛ̃i ǹ wa n sɔ̃ ŋɛ, mii iyi ì waa tɔɔ si kutɔɔ nŋɛ fei, i dasi naanɛ iyi ì baa tã ŋa nɔ bɛɛbɛ mɔi á ce nŋɛ.

Maaku 13:37

Ide iyi ǹ wa n sɔ̃ ŋɛu ihɛ̃, nŋu mɔi ǹ wa n sɔ̃ inɛ fei. I máa cɔ kpãa ŋa.

Luku 11:10

Ntɔ ntɔ, inɛ iyi wa tɔɔ fei, Ilaaɔ̃ á muaa. Inɛ mɔ iyi wa dɛdɛ, Ilaaɔ̃ á jɔ̀ ku ba. Inɛ mɔ iyi í nɔ wa cã gambo, Ilaaɔ̃ á cĩaa.

Laabaau jiida iyi Zãa í kɔ 14:13

Nɔ mii iyi aa tɔɔɛ do irim ŋa fei an coo ku ba amu Amau n nyisiò amboei Baaba.

Laabaau jiida iyi Zãa í kɔ 15:16

Kù jɛ iŋɛi ì cicam, amma amui ǹ cica ŋɛ. Nɔ ǹ nya ŋɛ ikã ku ba i ya so iso iyi á kpɛ ŋa. Si bɛɛbɛ mii iyi aa tɔɔ Baaba do irim ŋa fei á mu nŋɛ.

Laabaau jiida iyi Zãa í kɔ 15:7

Bii ì waa má sim ŋa nɔ idem í wa si ŋɛ i tɔɔ mii iyi ì bi fei ŋa aa ba ŋa.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 2, 6:2

Si tiai idei Ilaaɔ̃ à kɔɔ à ni, Ilaaɔ̃ í ni, ǹ gbɔ kutɔɔɛ nɔ ǹ jɛɛ si waati jiida. Ǹ sobiɛ si ajɔi faaba. To, nsɛii í jɛ waati jiidau, nnyii ajɔi faaba.

Ebɛɛ 11:6

Nɔ wee inɛ gɔ kù wɛɛ iyi kuceɛ á dɔ̃a Ilaaɔ̃ si bii kù jɛ do naanɛ ku dasi. Ntɔi, inɛ iyi wa sɛkɛɛ si Ilaaɔ̃ í nɛ ku dasi naanɛ iyi Ilaaɔ̃ í wɛɛ nɔ inɛ ŋa iyi à waa dɛdɛɛ í ya sã nŋa ribaɛ.

Ebɛɛ 4:16

Kitãi bommai Ilaaɔ̃i í jɛ tengi bii aa ka ba didɔ̃. Na nŋu, ka sɛkɛɛ si kitãu si kutɔɔ nwa do idɔ ku buba, ku ba Ilaaɔ̃ ku ce araare nwa nɔ ku mu nwa didɔ̃ iyi á sobi wa si waati iyi í jɔ.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Zaaki 5:15

Kutɔɔ do naanɛu á faaba bɔ̃ɔu. Aɔ̃ Lafɛ̃ɛ á muaa baani, bii í nɔ í ce dulum nii á kpa idei dulum dɛɛ.

Zãa 1, 3:22

Nɔ mii iyi à tɔɔɛ fei á mu nwai, domi à waa jirima woodaɛ ŋa nɔ à waa ce mii iyi á dɔ̃aa si.

Kuyɛi Zãa 2:24

Amma iŋɛ igbɛi inɛi Jesu ŋa iyi ì gbe si ilui Tiatii, iŋɛ iyi i kù too si ikɔ laalɔu ŋa nɔ i kù mà mii iyi inɛ gɔ ŋa à ya kpe asii nlai Seetam, ǹ wa n sɔ̃ ŋɛ, n kaa n kã nŋɛ aso gɔ má.