Luku 11:7 - Bibeli do fee

⁷ Kpaasiɛu á yɔkɔ ku jɛaa hai inɔ ile ku ni, maà mantem, amu ǹ sɔkɔ tã, amu do amam ŋa fei à waa sũ. N kaa n yɔkɔ n dede n naɛ pɛ̃ɛ.

Luku 11:7 Iomraidhean Croise

Iri ku kɔ̃ iyi í dɔ̃ í re 5:3

ǹ bɔ ibɔm, nɔ n kaa n dasi má. Ǹ wiɛ isɛm ŋa tã, n kaa n nyi n riisiɛ má.

Matie 25:10

Iyi à bɔ ikpou ku ra wa, ŋɔi mɔkɔ titɔ̃u í to wa. Inɛ ngu ŋa iyi à ce sɔɔlu jiida ŋau à tooɛ à lɔ bi ku ce abɔdɔ̃u nɔ à cĩmbo gambou.

Luku 11:6

domi kpaasim gɔ í naa bi tom hai ilu gɔ. Nɔ wee n kù nɛ ngɔgɔ iyi an naa.

Luku 11:8

Ǹ wa n sɔ̃ ŋɛi, baa bii kù bi ku dede ku náa si na iyi í jɔ̀ í jɛ kpaasiɛ, á yɔkɔ ku dede ku naa bukaatai mii iyi í bi fei si na iyi í jɔ̀ wa manteɛ.

Luku 13:25

Waati iyi amu ilu kpasɛ̃ ǹ dede ǹ cĩmbo koofau iŋɛ aa wa waduude, i maa cã gambo ŋa i maa ni, Lafɛ̃ɛ, cĩ nwa. Nɔ an jɛ nŋɛ n ni, n kù mà hai bii ì naa ŋa.

Luku 7:6

Nɔ aŋaò Jesu ŋa à dasi kpãa à waa nɛ hee à maai kpasɛ̃u, ŋɔi inɛ ngbou í bɛ kpaasiɛ gɔ ŋa a koo a sɔ̃ɔ a ni, Lafɛ̃ɛ, inɛ ngbou njɛ í ni i maà taabi araɛ, domi nŋu kù to i lɔ wa kpasɛ̃i nŋu.

Galati 6:17

Hai nnyi inɛ kãma ku maà wahalam má domi na irii Jesui ǹ ba dalai juju ŋa iyi à wa si aram nɔu ihɛ̃.