Luku 11:51 - Bibeli do fee

⁵¹ Iŋɛi aa yɛ ijuukpãi ku kpai Abɛli hee ku koo si Zakari iyi à kpa si afei bi kuweeu do kpasɛ̃i Ilaaɔ̃. Ntɔ ntɔ, ǹ wa n sɔ̃ ŋɛ, ijuukpãi mii ŋau bɛ fei si inɛi nsɛi ŋau ihɛ̃i á baa ku jɛ si.

Luku 11:51 Iomraidhean Croise

Kusintii Andunya 4:2

Si anyiɛ ŋɔi í na í nɛ asĩ má, nɔ í bí Abɛli ifɔi Kaɛ̃ɛ. Waati iyi à na à lá, Abɛli angudã ŋai í ya maa degbe, nɔ Kaɛ̃ɛ mɔ í jɛ woo logoo.

Zeremi 7:28

Nŋu de, sɔ̃ ŋa i ni, inɛi ilɛ ŋau ihɛ̃i à kɔ̀ idei Aɔ̃ Lafɛ̃ɛɛ ku gbɔ, nɔ a kù bi ku ba ikɔ. Ntɔ kù wa bi tu ŋa, ntɔu í sa hai si gɛlɛ nŋa.

Zakari 1:1

Si adɔ̃ minjisiai bomma ku jɛi Dariusi, si cukpa mɛɛjɔsiau, Aɔ̃ Lafɛ̃ɛ í ba Zakari waliiɛ ide ku fɔ, nŋu iyi í jɛ amai Berekia, tɔkui Ido.

Matie 23:35

Na nŋu, ijuukpãi woo kpa inɛ dee dee ŋau fei á jɛ si iri nŋɛ. Abɛlii í jɛ inɛ dee dee sinte iyi ì kpa ŋa. Zakari amai Baraki iyi ì kpa si afei kpasɛ̃i Ilaaɔ̃ do bi kuweeu ŋa, nŋui í jɛ inɛi ankãanyi iyi ì kpa ŋa. Ikui inɛ dee dee ŋau bɛ fei, hai Abɛli hee ku koo si Zakari, iŋɛi aa yɛ ijuukpãɛ ŋa.

Ebɛɛ 11:4

Na naanɛ ku dasii, Abɛli í cea Ilaaɔ̃ kuwee iyi í nɛ bɛɛrɛ í re ti Kaɛ̃ɛ. Na saabui naanɛ ku dasiɛi Ilaaɔ̃ takaɛ í jɛsi amuaɛ nɔ í kpoo inɛ dee dee. Na naanɛ ku dasiui Abɛli wa ba wa ide ku fɔ hee nsɛi baa do iyi í ku fei.

Ebɛɛ 12:24

Ì sɛkɛɛ si Jesu do njɛɛ iyi í nikãu ŋa. Jesui í jɛ woo teese kpãa ku ba Ilaaɔ̃ ku dĩ akabuu titɔ̃ do amanɛ ŋa. Njɛɛui wa ba wa ide ku fɔ, nɔ ideɛ í dɔ̃ ku gbɔ í re ti Abɛli.

Zãa 1, 3:12

nɔ ka maà yɛ bɛi Kaɛ̃ɛ inɛi Seetam inɛ laalɔu, nŋu iyi í kpa ifɔɛ. Na mii í ce í kpaa. Í kpaai si na iyi í jɔ̀ kuceɛ í jɛ laalɔ, nɔ ti ifɔɛ í jɛ jiida.