Luku 11:50 - Bibeli do fee

⁵⁰ Na nŋu, ijuukpãi woo kpa walii ŋau fei hai sintei andunya si iri nŋɛi á jɛ.

Luku 11:50 Iomraidhean Croise

Kusintii Andunya 4:2

Si anyiɛ ŋɔi í na í nɛ asĩ má, nɔ í bí Abɛli ifɔi Kaɛ̃ɛ. Waati iyi à na à lá, Abɛli angudã ŋai í ya maa degbe, nɔ Kaɛ̃ɛ mɔ í jɛ woo logoo.

Ilaalu 2, 24:4

do si na iyi í jɔ̀ í dikã njɛi hai nɛ taale ŋa hee í kɔ̃ ilui Zeruzalɛmu. Nŋu ŋau bɛ feii í jɔ̀ Aɔ̃ Lafɛ̃ɛ kù bi ku ce nŋa suuru má.

Iri ku kɔ̃ 9:12

Aɔ̃ Lafɛ̃ɛ iyi í wa Siɔ̃ɔ, i kɔ̃ɔa iri ŋa. I sisi mii nla ŋa iyi í ce si aninii inɛi andunya ŋa.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Ezai 26:21

domi Aɔ̃ Lafɛ̃ɛ í fita hai bi kuwaɛ ku ba ku kpã inɛi andunya ŋau iju na kurara nŋa. Ilɛ á jɔ̀ inɛ ŋa a yɛ njɛ iyi í ya tako ku maa bii wou, nɔ kaa singa inɛ ŋa iyi à tako à kpau má.

Zeremi 51:56

Woo ce nfeu wa naa siɛ, nɔ í maai siɛ wa. Á lɔ siɛi nɔ ku mu woo ja igũɛ ŋau aru nɔ ku cɛ bioo nŋa ŋau, domi Aɔ̃ Lafɛ̃ɛ í mà gbese ku sã, í ya sãa inɛ feii zaka bɛi í nɛ ku ba.

Zeremi 7:29

Ja ntoi iriɛ i nyɔɔ ku jĩ. Nɔ i koo i gũ antaii iri kuta i kɔ̃ iri do kukpata, domi Aɔ̃ Lafɛ̃ɛ í kɔ̀si zamaai nsɛi ŋa iyi à dede idɔɔkɔ̃ɛ, nɔ í fũsi ŋa awɔ.

Kuka 35:33

I maà ti i riisi ilɛ bii ì wau ŋa, domi inɛ ku kpa í ya riisi ilɛi, nɔ bii à kpa amanɛ, ilɛu kaa yɔkɔ ku maaju, bii kù jɛ a kpa inɛ iyi í kpa inɛɛu.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.