Luku 11:49 - Bibeli do fee

⁴⁹ Ŋɔi í jɔ̀ Ilaaɔ̃ í fɔ si bisiɛ í ni, an bɛ walii ŋa do woo bɛ ŋa si anini nŋa. Aa kpa inɛ gɔ ŋa nɔ a kpã inɛ gɔ ŋa mɔ iju.

Luku 11:49 Iomraidhean Croise

Zeremi 7:25

Hai ajɔ iyi bala nŋɛ ŋau à fita wa hai ilɛi Ezibiti hee ku baa nnyi, n kù gbɛɛji do walii woo ce icɛm ŋau ku bɛ si ŋɛ wa. Ǹ ya n bɛ ŋa wai waati kãma fei.

Matie 22:6

Gɔgɔ ŋa à mu amaacɛ ŋau à cã ŋa à kpa ŋa.

Luku 11:48

Ì waa nyisi ŋa iyi ì jɛsi mii iyi bala nŋɛ ŋau à ce, si na iyi í jɔ̀ aŋai à kpa walii ŋau, nɔ iŋɛi ì waa teese balɛ nŋa ŋa.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Laabaau jiida iyi Zãa í kɔ 16:2

Aa na a ganji ŋɛ ile bii à ya ce kutɔtɔɔ ŋa ku bɔ. Nɔ awaati wa naa iyi inɛ ŋa aa kpa inɛ gɔ nŋɛ ŋa, nɔ aa maa tamaa bɛi Ilaaɔ̃i aŋa à waa cea icɛ.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 11:27

Waati bɛɛbɛ walii gɔ ŋa à bɔ Antiɔsi hai Zeruzalɛmu.

Woo bɛ ŋa 22:20

Nɔ à mà si ajɔ iyi à kpa Etiɛni woo jɛ sɛɛdaɛu, amu takam ǹ wa bɛ ǹ jɛsi a kpaa. Amui ǹ cɔa inɛ ŋa iyi à kpaa ŋau jĩnɛ nŋa ŋa mɔm.

Woo bɛ ŋa 7:57

Amma à dĩ itĩ nŋa à bɛi à dɔ̃ anu nla nla nɔ à sɛi ajɔ à koo à wo siɛ.

Woo bɛ ŋa 8:3

Amma Sɔlu í wasi inɛi igbɛi Jesu ŋa ku kpã iju. Í ya lɔ kpasɛ̃ do kpasɛ̃ ŋai ku maa mu inɛmɔkɔ do inaabo ŋa do gbugbã koo dasi ŋa piisɔ̃ɔ.

Kɔrɛnti 1, 1:24

Amma bi inɛ ŋa iyi Ilaaɔ̃ í kpe, baa bii à jɛ Zuifu walakɔ dimi mmu ŋa, Kirisii í jɛ gbugbãi Ilaaɔ̃ do bisiɛ.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Efɛɛzu 4:11

Amua ŋa iyi í cea inɛ ŋa wee. Í cica inɛ gɔ ŋa à jɛ woo bɛ ŋa, inɛ gɔ ŋa mɔ walii ŋa, inɛ gɔ ŋa mɔ woo sisi laabaau jiida ŋa, inɛ gɔ ŋa mɔ woo degbe inɛi igbɛi Jesu ŋa, inɛ gɔ ŋa mɔ woo kɔ inɛ ŋa si cio.

Kolosee 2:3

Bisi nla do kumài Ilaaɔ̃ fei wa singa siɛ.

Kuyɛi Zãa 16:6

Inɛ ŋau à kpa woo dasi naanɛ ŋa do walii ŋa à nikã njɛ nŋa, nɔ ì na ŋa njɛ a mɔ. Bɛɛbɛi à jɔò.

Kuyɛi Zãa 18:20

Iŋɛ inɛi lele ŋa, i jɔ̀ inɔ nŋɛ ku dɔ̃. Iŋɛ woo dasi naanɛ ŋa mɔ do woo bɛ ŋa do walii ŋa, i jɔ̀ inɔ nŋɛ ku dɔ̃, si na iyi í jɔ̀ Ilaaɔ̃ í kiiti iluu í sã nŋɛ gbese.