Luku 11:45 - Bibeli do fee

⁴⁵ Ŋɔi woo kɔ inɛ ŋa si wooda gɔ í sɔ̃ɔ í ni, Mɛɛtu, bii ì waa fɔ bɛɛbɛ, awa mɔi ì waa bu.

Luku 11:45 Iomraidhean Croise

Ilaalu 1, 22:8

Ŋɔi ilaalui Izirɛliu í jɛaa í ni, inɛ gɔ í wɛɛ má bii aa ka ceò kubee bi Aɔ̃ Lafɛ̃ɛ. Amma n kù buu, domi ci ya yɛɛm ide jiida kãma gɔ, í gbe laalɔɛ. Nŋui í jɛ Misee amai Yimila. Nɔ Zozafati í ni, maà fɔ bɛɛbɛ.

Zeremi 20:8

Nɔ waati iyi ǹ wa n fɔ ide bɛbɛi fei, í gbe n ya n dɔ̃ anu n maa n fɔ idei gbugbã ku ta do ijuukpã iyi wa naa. Nɔ bii ǹ wa n fɔ idei awɔ Aɔ̃ Lafɛ̃ɛ, inɛ ŋa à ya maa yaakom nii nɔ a maa nyaanyim ajɔ fei.

Zeremi 6:10

Yooi an ba ide ku fɔ, mà yooi an so sɛɛda ku ba a gbɔɔm. Wee a kù lu nŋa itĩ. Nɔ a ci ya ce laakai si ide iyi à waa sɔ̃ ŋa. Idei Aɔ̃ Lafɛ̃ɛ wee í baa í jɛ nŋa idei anyɔ. A ci ya nɛ inɔ didɔ̃ si baa keeke.

Matie 22:35

Inɛ akã nŋa iyi wa jɛ woo kɔ inɛ ŋa si woodau wa bi ku cɔ laakaii Jesu nɔ í beeɛ í ni,

Luku 11:46

Ŋɔi Jesu í jɛaa í ni, ijuukpãi á jɛ tu ŋɛ, iŋɛ woo kɔ inɛ ŋa si wooda ŋa mɔ, domi ì waa kãa inɛ ŋa aso kugaabu ku so ŋa, nɔ iŋɛ taka nŋɛ i ci ya lesi baa amaawɔ nŋɛ.

Luku 11:52

Ijuukpãi á jɛ tu ŋɛ, iŋɛ woo kɔ inɛ ŋa si wooda ŋau, domi i kù bi ntɔi idei Ilaaɔ̃ ku mà ŋa, nɔ inɛ ŋa iyi à bi ku màɛ iŋɛi ì waa ganji ŋa ŋa.

Luku 7:30

Amma Farisi ŋa do woo kɔ inɛ ŋa si wooda ŋa a kù jɛ Zãa ku dasi ŋa inyi. Bɛɛbɛ mɔi à kɔ̀si mii iyi Ilaaɔ̃ í dasi idɔ ku ce nŋa.

Laabaau jiida iyi Zãa í kɔ 7:48

Ì gbɔ bii inɛ ngbo gɔ walakɔ Farisi ŋau baa inɛ akã nŋa í dasiɛ naanɛ ŋai?

Laabaau jiida iyi Zãa í kɔ 7:7

Inɛi andunya ŋa a kaa yɔkɔ a cé ŋɛ, amma à cé amu domi ǹ ya n ni kookoosu nŋa kù sĩa.

Laabaau jiida iyi Zãa í kɔ 9:40

Ŋɔi Farisi gɔ ŋa iyi à wa bɛu à gbɔ ideu ŋɔi à beeɛ à ni, awa mɔ fɛɛju ŋai?