Luku 11:42 - Bibeli do fee

⁴² Amma ijuukpãi á jɛ tu ŋɛ, iŋɛ Farisi ŋa, si na iyi í jɔ̀ ì ya na Ilaaɔ̃ akã si mɛɛwa fei si nyaui ayɛ nŋɛ ŋa. Do nŋu fei, i kù waa ce jiida nɔ i kù waa nyisi kubii Ilaaɔ̃ ŋa. Iyi bɛi í jɔ i ya ce nɔ i maà gbɛjɛ iyi í gbe ŋa.

Luku 11:42 Iomraidhean Croise

Neemi 10:37

Nɔ ka naa woo wee ŋa iyi à waa ce icɛ si kpasɛ̃i Aɔ̃ Lafɛ̃ɛ nwa ama yemma nwa ŋau wa do ama sintei mɛɛmu nwa ŋau, hai kɛtɛ nwa ŋa do angudã nwa ŋa do iwo nwa ŋa, si bɛi à kɔɔ si wooda.

Mɔnda ŋa 21:3

Bii amanɛ í nɛ daa jiida nɔ wa ce mii iyi í sĩa, í ya dɔ̃a Aɔ̃ Lafɛ̃ɛ si ku re bii wa ceaa kuwee ŋa.

Woo lasabu 7:18

Á sĩa i ceò ikɔ minji ŋau bɛ icɛ, domi inɛ iyi wa jirima Ilaaɔ̃ í ya ba ku fita si mii feii.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Malasi 2:17

Ì jɔ̀ Aɔ̃ Lafɛ̃ɛ wa gbɛɛji ŋa na ide ku fɔ nŋɛ. Nɔ ì waa ni ŋa, si iwoi à gbɛɛjiɛ. Waati iyi ì fɔ ì waa ni ŋa, inɛ iyi wa ce laalɔ, nŋui Aɔ̃ Lafɛ̃ɛ í ya cɔ do iju jiida. Si inɛ dimi bɛɛbɛi inɔ didɔ̃i Aɔ̃ Lafɛ̃ɛ í ya wa. Nɔ ì ya nyi i ni má ŋa, hee iwoi Ilaaɔ̃ iyi í ya ce kiiti dee deeu í wa.

Malasi 3:8

Ŋɔi ǹ jɛ nŋɛ ǹ ni, amanɛ á yɔkɔ ku lɛlɛ Ilaaɔ̃? Ntɔ ntɔ, iŋɛ ì waa lɛlɛm ŋai. Nɔ ì fɔ ì waa ni ŋa, si mii à waa lɛlɛɛ. Nɔ ǹ jɛ ǹ ni, si amua nŋɛ ku naaò wa do si akã iyi ì nɛ i ya naam wa si mɛɛwa fei ŋau.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Matie 23:23

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa na Ilaaɔ̃ akã si mɛɛwa fei si nyaui ayɛ ŋa, amma ì waa gbɛjɛ mii iyi í la í re si wooda ŋa. Mii ŋaui í jɛ idɔɔbii Ilaaɔ̃ ku ce do araare ku nyisi do ilu naanɛ ku jɛ. Nŋu ŋau bɛi í jɔ i ce ŋa, nɔ i maà gbɛjɛ iyi í gbe ŋau.

Matie 23:27

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì yɛ ŋai bɛi balɛ iyi à jɔsi mii fũfũ ku ba anyiɛ ku sĩa, amma inɔɛ kũkũi amanɛ do konkombii wa kɔ̃ si.

Luku 18:12

Si azuma akã fei ǹ ya n dĩ anu ajɔ minji, nɔ mii iyi ǹ ba si mɛɛwa fei, ǹ ya n nya akãi.

Laabaau jiida iyi Zãa í kɔ 5:42

Amma ǹ mà ŋɛ. Ǹ mà iyi i kù nɛ kubii Ilaaɔ̃ si idɔ nŋɛ ŋa.

Zãa 1, 4:20

Bii inɛ gɔ í ni nŋu í bi Ilaaɔ̃ nɔ í cé kpaasiɛ, ilu iboi, domi inɛ iyi kù bi kpaasiɛ iyi wa yɛ, kaa yɔkɔ ku bi Ilaaɔ̃ iyi kù waa yɛ.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.