Luku 11:41 - Bibeli do fee

⁴¹ Í sĩa i na ilu are ŋa mii iyi í wa si inɔ jɛɛ do kɔɔfu, nɔ mii fei á má nŋɛ.

Luku 11:41 Iomraidhean Croise

Iri ku kɔ̃ 112:9

Í ya cea ilu are ŋa amua do inɔ akã, nɔ Ilaaɔ̃ í ya jɔ̀ ntɔ ku maa wɛɛai hee do ajɔ fei. Gbugbãɛ do bɛɛrɛɛ í ya maa kɔ̃ɔsii.

Iri ku kɔ̃ 41:1

Iriu ihɛ̃ ti inɛ ngboi woo kɔ̃ iri ŋai do Davidi.

Mɔnda ŋa 14:31

Inɛ iyi wa wahala ilu are kù mà bɛɛrɛi inɛ iyi í takaɛi, inɛ iyi wa ce araareɛ í mà bɛɛrɛi inɛ iyi í takaɛui.

Mɔnda ŋa 16:6

Si jiida ku jɛ do si ntɔi à ya kpaò idei kurara, nɔ bɛɛrɛi Aɔ̃ Lafɛ̃ɛ ku mài í ya jɔ̀ amanɛ ku saa laalɔ.

Mɔnda ŋa 19:17

Inɛ iyi wa cea ilu are ŋa amua, wa wɛ̃a Aɔ̃ Lafɛ̃ɛi. Nŋui á na ku sãa.

Daniɛli 4:27

Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Matie 26:11

Ntɔ ntɔ, ilu are ŋa aa maa wɛɛ do iŋɛ waati kãma fei, amma amu n kaa n maa n wɛɛ do iŋɛ hee do ajɔ fei.

Matie 5:42

Bii inɛ gɔ í tɔɔɛ mii gɔ, muaa. Bii inɛ gɔ í naa mii gɔ ku kãaye bi tɛɛ, maà kɔ̀.

Maaku 7:19

Kaa dasiɛ riisi, domi ijɛ kaa lɔ si idɔi inɛ bii kù jɛ si inɔɛ, nɔ ku bɛi ku fita hai si araɛ. Jesu í fɔ bɛɛbɛi ku ba ku sɔ̃ ŋa iyi ijɛ kãma kù jɛ iwɔ̀.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 16:9

Ŋɔi Jesu í sɔ̃ ŋa í ni, amanii andunya iyi ì nɛ, i ya dɛdɛò kpaasi ŋa ku ba bii í na í tã Ilaaɔ̃ ku gba ŋɛ si andunya titɔ̃ɛ.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 19:8

Amma Zakee í dede í leekĩ si wajui Lafɛ̃ɛ í ni, bubui amanim an na ilu are ŋa. Nɔ bii ǹ takii inɛ gɔ ŋa ǹ gba mii ndu ŋa, an sindo nŋa bɛɛbɛ má tuuba mɛɛ.

Woo bɛ ŋa 10:15

Nɔ ide ku fɔu í ni má, mii iyi Ilaaɔ̃ í ni í maaju maà ti i kɔ̀si.

Woo bɛ ŋa 11:29

Si bɛi inɛ ŋa iyi à waa too kpãai Jesuu à gbɔ bɛɛbɛ ŋɔi à dasi idɔ aŋa a samba amua ŋa zaka bɛi inɛ fei í nɛ, ku ba ku sobi kpaasi nŋa ŋa iyi à wa ilɛi Zudee.

Woo bɛ ŋa 24:17

Adɔ̃ nkpɔ nkpɔi í lɔ n kù bɔ Zeruzalɛmu. Si ajɔ gbeejiu ihɛ̃i ǹ koo bɛ ǹ bɔ ku sobi inɛi ilɛm ŋa do fia nɔ n cea Ilaaɔ̃ amua.

Kɔrɛnti 2, 8:12

Bii ì na do inɔ akã, Ilaaɔ̃ í ya gbai. Zaka bɛi ì nɛi í ya cɔ, nɔ baaɛ ci ya wa si iyi i kù nɛ ŋa.

Efɛɛzu 4:28

Inɛ iyi í ya ce ile wo, ku maà ce ile má, amma ku ya ce icɛ do awɔɛ. Bɛɛbɛi á ba mii jiida ŋa iyi á sobiò ilu are ŋa.

Titee 1:15

Mii fei í mái bi inɛ ŋa iyi à má, amma nkãma ci ya má bi ilu riisi ŋa do hai dasi naanɛ ŋa, domi lasabu nŋa do idɔ nŋa fei í nɛ riisi.

Ebɛɛ 13:16

I maà gbɛjɛ jiida ku ce, nɔ i ya maa sobi njɛ ŋa, domi dimii kuwee bɛɛbɛ í ya dɔ̃a Ilaaɔ̃ si.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.