Luku 11:4 - Bibeli do fee

⁴ Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.

Luku 11:4 Iomraidhean Croise

Kusintii Andunya 48:16

Amalekaɛ í faabam hai si laalɔ baa yooma fei. Ǹ wa n tɔɔɛ ku weea amu ŋau ihɛ̃, nɔ ku jɔ̀ a kpe ŋa do irii amu takam do ti Izaaki baam do ti Aburahamu balam, nɔ ku jɔ̀ a kpɔ a maa kɔ̃ɔsi si ilɛu.

Ilaalu 1, 8:34

gbɔ kutɔɔ nŋa wa hai lelei Aɔ̃, kpa idei dulum du ŋa, baaò ŋa wa si ilɛ iyi ì na bala nŋa ŋa.

Ilaalu 1, 8:36

gbɔ kutɔɔi woo ce icɛɛ ŋa wa hai lele nɔ i kpa idei dulum du ŋa. Nyisi ŋa kpãa jiida iyi aa maa nɛ si nɔ i jɔ̀ ijĩ ku wɔ si ilɛ iyi ì mu nŋa í jɛ tubu nŋau.

Iri ku kɔ̃ 121:7

Aɔ̃ Lafɛ̃ɛi á maa degbeɛ si laalɔ baa yooma fei. Nɔ nŋui á maa mu kuwɛɛɛ.

Iri ku kɔ̃ 25:11

Aɔ̃ Lafɛ̃ɛ, kuraram í la, amma na saabui iriɛ, aa kpaa.

Iri ku kɔ̃ 25:18

Cɔ wahalam do gbugbã iyi à waa taam nɔ i ceem suurui dulum dom ŋa.

Daniɛli 9:19

Lafɛ̃ɛ, gbɔ, Lafɛ̃ɛ, ce suuru. Lafɛ̃ɛ, sotĩ i gbɔ. Ce ngɔgɔ nɔ i maà jɔ̀ ku kpɛ na irii awɔ takaɛ. Ntɔ ntɔ, iluu ihɛ̃ do zamaaɛ fei, awɔi ì nɔɔ.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Matie 18:35

Ŋɔi Jesu í ni, bɛɛbɛ mɔi Baam iyi í wa lele á ce nŋɛ, iŋɛ iyi i ci ya cea kpaasi nŋɛ ŋa suuru do inɔ akã.

Matie 26:41

I wɔ njoo nɔ i maa ce kutɔɔ ŋa ku ba i maà na i dasi kulɛlɛi inɛ ŋa. Idɔi amanɛ í bi, amma araɛ í kua gbugbãɛ.

Luku 11:5

Nɔ í sɔ̃ ŋa má í ni, á yɔkɔ ku jɛ nsɛi inɛ gɔ nŋɛ í ba inɛ njoo idũ laja. Bii kù nɛ ijɛ iyi á naa, á bɔ bi kpaasiɛi ku ni, wɛ̃ɛm pɛ̃ɛ mɛɛta wa,

Luku 13:4

Ì waa ye gigii amanɛ maatũ do mɛɛta ŋa iyi ile kugbokai Siloe í cuku í bata í kpau ŋa? Debɛi, ì waa tamaa kurara nŋai í re ti inɛi Zeruzalɛmu ŋa iyi à gbe fei ŋa?

Luku 22:46

Nɔ í bee ŋa í ni, na mii í ce ì waa sĩ njoo ŋa. I dede i ce kutɔɔ ŋa ku ba i maà dasi kulɛlɛ ŋa.

Luku 8:13

Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Laabaau jiida iyi Zãa í kɔ 17:15

N kù wa n tɔɔɛ i nya ŋa hai si andunya, amma ǹ wa n tɔɔɛi i degbe ŋa ku ba Seetam inɛ laalɔu ku maà nɔ ŋa.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Kolosee 3:13

I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.

Tɛsalonika 2, 3:3

Amma Lafɛ̃ɛ ilu naanɛi. Á mu nŋɛ gbugbã nɔ ku degbe ŋɛ na irii Seetam, inɛ laalɔu.

Timɔtee 2, 4:18

Lafɛ̃ɛ á nyam hai si laalɔ baa yooma fei, nɔ ku jɔ̀ n lɔ si bommai leleɛ do laakai ku sũ. Ka saabuɛ hee do ajɔ fei. Ami.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.

Kuyɛi Zãa 3:10

Ǹ ni i temua ŋa, nɔ ì jirima idem nɔu ŋa. Na ŋɔi í jɔ̀ amu mɔ an degbe ŋɛ si waatii wahala iyi wa naa si andunya fei ku na ku cɔ laakaii inɛ ŋa.