Luku 11:34 - Bibeli do fee

³⁴ Ijuɛi í jɛ fitilai araɛ. Bii ijuɛ wa nɛ baani, araɛ fei í wa si inya kumái. Amma bii kù waa nɛ baani, araɛ mɔ fei í wa si ilu kukui.

Luku 11:34 Iomraidhean Croise

Kusintii Andunya 19:11

Ŋɔi à dasi inɛ ŋa iyi à wa andɛi ileu fei fɛɛju, hai ama awaasũ ŋa hee ku koo do inɛ ngbo ŋau fei, ŋɔi à dabii à waa baabaa andɛi ileu.

Iri ku kɔ̃ 119:18

Cĩ ijum ŋa ku ba n yɛ jiida ku jɛi woodaɛ ŋa.

Iri ku kɔ̃ 81:12

Amma inɛi Izirɛli inɛm ŋau a kù de sim itĩ. nɔ a kù bi baa ku màm.

Mɔnda ŋa 21:4

Ara ku so do inɛ ku dondai í ya nyisi dulum dii inɛ laalɔ ŋa.

Mɔnda ŋa 28:22

Ilu kɔdɛɛ í ya maa saasaò fia ku cei, ci ya lasabuò baa are iyi á baa mɔm.

Ezai 29:10

Ntɔ ntɔ, Aɔ̃ Lafɛ̃ɛ í da nŋɛ si sĩsĩ njoo si idɔ, í bii iju nŋɛ iŋɛ walii ŋa, nɔ í bii wajui woo yɛ nŋɛ ŋau mɔ.

Ezai 42:19

Yooi í jɛ fɛɛju, bii kù jɛ woo ce icɛm nɔu. Yooi í jɛ dekĩ bɛi inɛ iyi ǹ wa n bɛu. Yooi í jɛ fɛɛju bɛi inɛ iyi í ba laakai ku sũu. Yooi í jɛ fɛɛju bɛi woo ce icɛi amu Aɔ̃ Lafɛ̃ɛu.

Ezai 44:18

Inɛ ŋau a kù nɛ kumà, nɔ a kù nɛ bisi. Iju nŋa wa bii hee í jɔ̀ a kù waa yɛ ilu. Bɛɛbɛi idɔ nŋa mɔ í yɛ hee í jɔ̀ a kù nɛ yaase jiida kãma.

Ezai 5:20

Inɔ kufɔi á jɛ ti inɛ ŋa iyi à waa kpe mii laalɔ jiida, nɔ à waa kpe mii jiida mɔ laalɔ. Aŋa iyi à ya kpaasi inya kumá ilu kuku nɔ a kpaasi ilu kuku mɔ inya kumá ŋa. Aŋa iyi à ya kpaasi mii iyi í ro ku baa didɔ̃, iyi í dɔ̃ mɔ à kpaasiɛ ku baa ku ro.

Ezai 6:10

Lele idɔi inɛ ŋau nɔ i dĩ itĩ nŋa ku ba a maà ya gbɔ ide gɔ, bii iju nŋa ku ba a maà ya yɛ ngɔgɔ. Ce nŋa bɛɛbɛ ku ba a maà yɔkɔ a nyi wa bi Aɔ̃ Lafɛ̃ɛ hee a ba faaba.

Zeremi 5:21

i sotĩ i gbɔ, iŋɛ zamaa nnyɛi iyi í kua laakai ŋa. Ì nɛ iju ŋa, amma i kù waa yɛ ilu ŋa. Ì nɛ itĩ ŋa, nɔ i kù waa gbɔ ide ŋa.

Maaku 4:12

Ǹ ya n fɔ nŋa ide do mɔndai ku ba, baa bii à cɔ ilu a maà yɛ. Nɔ baa bii à gbɔ ide a kaa mà yaaseɛ. Bii kù jɛ bɛɛbɛ aa na a sinda wa bi Ilaaɔ̃, nɔ Ilaaɔ̃ ku kpa idei dulum du ŋa.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Maaku 8:18

Í jɔ ì nɛ iju ŋa mɛɛ, i ci ya yɛ ilu ŋai? I kù nɛ itĩ ŋa ba. I ci ya gbɔ ide ŋai? I ci ya ye gigi ŋai?

Luku 11:35

Na nŋu, ce laakai ku ba inya kumá iyi í wa si araɛu ku maà ce ilu kuku.

Woo bɛ ŋa 13:11

To, nsɛi, Ilaaɔ̃ á to siɛ awɔ, aa fɛɛju, i kaa yɛ ilu má si zakai ajɔ minjiu ihɛ̃. Bɛ gbakã í fɛɛju, nɔ í nɛ wa dabii wa dɛdɛ inɛ gɔ iyi á mu awɔɛ.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 6:5

Iŋɛ aru ŋa, i jirima lafɛ̃ɛ nŋɛ ŋa si andunyau ihɛ̃ do bɛɛrɛ do kuyaya, ku maà jɛ do muafiti, nɔ kú yɛ bɛi Kirisii ì waa cea ŋa.

Kolosee 3:22

Iŋɛ aru ŋa, i jirima lafɛ̃ɛ nŋɛ ŋa si fei ndɛɛ si andunyau ihɛ̃, ku maà jɛ bii à leekĩ à waa cɔ ŋɛ nŋu akã. I jirima ŋa do inɔ akã ŋa si na iyi í jɔ̀ ì mà bɛɛrɛi Lafɛ̃ɛ ŋa, nɔ ku maà jɛ mii iyi á dɔ̃a amanɛ ŋa si nŋu akãi ì waa bi ku ce ŋa.