Luku 11:32 - Bibeli do fee

³² Si ajɔi kiitiu inɛi Ninivu ŋa aa dede si inɛi nsɛi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Nɔ wee nsɛi, mii gɔ í wa ihɛ̃ iyi í nɛ bɛɛrɛ í re Zonasi.

Luku 11:32 Iomraidhean Croise

Zonasi 3:4

Iyi Zonasi í to í ce isɛɛnɛ ajɔ akã, í wasi ku fɔ hee lele wa ni, si anyii ajɔ ciiji Ninivu á ce nfe.

Zonasi 3:5

Ŋɔi inɛi Ninivu ŋau à dasi Ilaaɔ̃ naanɛ, nɔ à ni aŋa a ce kutɔɔ do anu ku dĩ a dasi jĩnɛi saaki ŋa hai ilu bɛɛrɛ ŋa hee do ilu are ŋa fei aŋa a nyisiò inɔ kufɔi aŋa.

Zonasi 4:9

Ŋɔi Ilaaɔ̃ í bee Zonasi í ni, ì nɛ ntɔ mbɛ iyi ì waa ce idɔɔkɔ̃ na jĩi nɔu bɛ? Ŋɔi í jɛa í ni, oo ǹ nɛ ntɔ jiida jiida n ce idɔɔkɔ̃. Na ŋɔi í jɔ̀ ǹ tɔɔ iku mɔm.

Matie 12:39

Amma Jesu í jɛ nŋa í ni, inɛ laalɔi nsɛi ŋa iyi a kù waa leekĩ do Ilaaɔ̃ nŋu akã, maamaakei à ya maa bi, amma maamaake gɔ kù wɛɛ iyi aa nyisi ŋa má bii kù jɛ ti walii Zonasi,

Matie 12:41

Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi mii gɔ í wa ihɛ̃ iyi í nɛ bɛɛrɛ í re Zonasi.

Luku 11:31

Si ajɔi kiitiu inaabo ilaalui ilɛi Seba á dede si inɛi nsɛi ŋa ku yɛ taale nŋa, si na iyi í jɔ̀ hai jĩijĩi í dede í naa ku gbɔ idei bisii Salomɔɔ ilaalu nlau. Nɔ wee nsɛi, mii gɔ í wa ihɛ̃ iyi í nɛ bɛɛrɛ í re Salomɔɔ.

Ebɛɛ 7:26

Na nŋu, Jesu í jɛ woo wee nla iyi à nɛ bukaataɛ. Kuwɛɛi nŋu do ti ilu dulum ŋa kù jɛ dimi akã. Í má, kù ce dulum ajɔ kãma nɔ riisi kãma kù wa siɛ. À soo í nɛ hee lelei Ilaaɔ̃.