Luku 11:31 - Bibeli do fee

³¹ Si ajɔi kiitiu inaabo ilaalui ilɛi Seba á dede si inɛi nsɛi ŋa ku yɛ taale nŋa, si na iyi í jɔ̀ hai jĩijĩi í dede í naa ku gbɔ idei bisii Salomɔɔ ilaalu nlau. Nɔ wee nsɛi, mii gɔ í wa ihɛ̃ iyi í nɛ bɛɛrɛ í re Salomɔɔ.

Luku 11:31 Iomraidhean Croise

Bomma 2, 9:1

Inaabo ilaalui ilɛi Seba í gbɔ bɛi Salomɔɔ í nya iri, ŋɔi í naa Zeruzalɛmu bɛ ku siiɛ do mɔnda kugaabu ŋa. Nɔ zamaa nla nla wa tooɛ wa do kpookpo ŋa iyi à waa so tuae ŋa do wura nkpɔ nkpɔ do kuta kusĩa ŋa. Nɔ í bɔ bi Salomɔɔ í koo í sɔ̃ɔ idei idɔɛ fei.

Ezai 54:17

Dimii jĩnɛi igũ baa yooma iyi à ce na iriɛ fei, kaa ceɛ laalɔ kãma, nɔ inɛ baa yooma iyi á bɔòɛ bi ku ce kiiti fei, aa jɔ̀ a yɛ taalei lafɛ̃ɛi. Ikpɛ̃ iyi ǹ jilɛa inɛ ŋa iyi à jɛ woo ce icɛm ŋa mbɛ. Ikpɛ̃ui í jɛ dee dee ku jɛ iyi wa naa hai bi tom. Amu Aɔ̃ Lafɛ̃ɛi ǹ fɔ bɛɛbɛ.

Zeremi 3:11

Ŋɔi Aɔ̃ Lafɛ̃ɛ í sɔ̃m í ni, í jɔ bɛi Izirɛli woo kpaasi ideu kù nɛ taale bii à wãaò Zudaa hai jɛ dee deeu.

Matie 12:42

Si ajɔi kiitiu, ilaalu inaabo iyi í naa hai awɔ cangai kpãai inunu á dede si inɛi nnyi ŋa ku yɛ taale nŋa, si na iyi í jɔ̀ hai jĩijĩi í dede í naa ku gbɔ idei bisii Salomɔɔ, ilaalu nlau. Nɔ wee nsɛi mii gɔ í wa ihɛ̃ iyi í nɛ bɛɛrɛ í re Salomɔɔ.

Luku 3:22

nɔ Hundei Ilaaɔ̃ í de siɛ wa hai lele do ara gɔ bɛi ankasiidi. Nɔ à gbɔ ide ku fɔ gɔ wa hai lele í ni, awɔ amam nii, ǹ biɛ jiida jiida. Siɛi inɔ didɔ̃m fei í ya wa.

Luku 9:35

Nɔ à gbɔ ide ku fɔ gɔ hai si bukɔɔu í ni, inɛ ihɛ̃i í jɛ Amam. Nŋui ǹ cica. I ya gbɔ ideɛ ŋa.

Romu 2:27

Dimi mmu iyi wa too woodau, baa bii a kù dasiɛ bangou á yɛ taalei iŋɛ Zuifu ŋau, domi baa do iyi ì ce bango nɔ ì mà wooda iyi à kɔ nŋɛ i kù waa jirimaɛ ŋa.

Ebɛɛ 11:7

Na naanɛ ku dasii, Nowee í gbɔ idei Ilaaɔ̃ waati iyi í ni ku ce laakai si mii iyi á na ku naa iyi kù yɛ titã. Í jirima idei Ilaaɔ̃ nɔ í gbe akɔi inyi si bii nŋu do inɛi kpasɛ̃ɛ ŋa fei aa ba faaba. Do yaase bɛɛbɛi í yɛò taalei inɛi andunya ŋa nɔ Ilaaɔ̃ í ni í jɛ amanɛ dee dee.