Luku 11:29 - Bibeli do fee

²⁹ Si bɛi zamaau wa kɔ̃ɔsi ŋɔi Jesu í ni, inɛi nsɛi ŋa inɛ laalɔ ŋai. À waa tɔɔ maamaake, amma maamaake gɔ kù wɛɛ iyi aa nyisi ŋa, bii kù jɛ ti faajii walii Zonasi.

Luku 11:29 Iomraidhean Croise

Ezekiɛli 24:24

Ezekiɛlii á jɛ nŋɛ bɛi sɛɛda. Aa ce ŋai dee dee bɛi í ce. Bii mii ŋa iyi à fɔ ideɛu í na wa ce, aa mà ŋa iyi amui ǹ jɛ Aɔ̃ Lafɛ̃ɛ.

Zonasi 1:1

Ajɔ nŋu gɔ Aɔ̃ Lafɛ̃ɛ í ba Zonasi amai Amitai ide ku fɔ í ni,

Matie 3:7

Farisi ŋa do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Luku 11:16

Nɔ inɛ gɔ ŋa mɔ à waa bi a cã idɔɛ a cɔ. Nɔ à sɔ̃ɔ à ni ku ce maamaake ku nyisi iyi gbugbãɛ wa naai hai lele.

Luku 11:50

Na nŋu, ijuukpãi woo kpa walii ŋau fei hai sintei andunya si iri nŋɛi á jɛ.

Luku 12:1

Waati iyi Jesu wa fɔ bɛɛbɛ zamaa í tɔtɔɔ dubu nkpɔ nkpɔ hee à waa tɛɛsɛ njɛ. Ŋɔi Jesu í sɔ̃ mɔcɔɛ ŋa si wajui zamaau í ni, i ce laakaii ara nŋɛ ŋa do levɛ̃ɛi Farisi ŋa iyi í jɛ muafiti.

Luku 9:41

Ŋɔi Jesu í ni, iŋɛ inɛ laalɔ hai dasi naanɛ ŋa, hee waati yoomai an wa inɔ nŋɛ. Mà hee waati yoomai an maa n temuaò ŋɛ. Ŋɔi í sɔ̃ mɔkɔu í ni, naaò amaɛu wa ihɛ̃.

Laabaau jiida iyi Zãa í kɔ 2:18

Ŋɔi Zuifu ŋau à beeɛ à ni, maamaake yoomai aa yɔkɔ i ce nwa ku ba ka mà iyi ì nɛ kpãai bɛɛbɛ ku ce.

Laabaau jiida iyi Zãa í kɔ 6:30

Ŋɔi à beeɛ à ni, maamaake yoomai aa ce ka yɔɔ ku ba ka dasiɛ naanɛ. Mà icɛ yoomai aa ce.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Kɔrɛnti 1, 1:22

Zuifu ŋa maamaakei à ya maa bee, nɔ Gɛrɛki ŋa mɔ bisii à ya maa dɛ.