Luku 11:24 - Bibeli do fee

²⁴ Ŋɔi Jesu í kpa nŋa mɔndau ihɛ̃ í ni, bii inɛi inɔɔko í fita si inɛ, í ya maa dabii si gbaa ŋai ku maa dɛ bi ku sĩmi. Bii í kua, ŋɔi í ya ni, an nyi inya nwom hai bii ǹ fita wai.

Luku 11:24 Iomraidhean Croise

Zɔɔbu 1:7

Ŋɔi Aɔ̃ Lafɛ̃ɛ í bee Seetam í ni, hai iwoi ì waa naa. Nɔ í jɛaa í ni, ǹ koo ǹ dabii si andunya ǹ kaakoɛ wai.

Zɔɔbu 2:2

Ŋɔi Aɔ̃ Lafɛ̃ɛ í bee Seetam í ni, hai iwoi ì waa naa. Nɔ Seetam í jɛaa í ni, ǹ koo ǹ dabii si andunya ǹ kaakoɛ wai.

Iri ku kɔ̃ 63:1

Iriu ihɛ̃ ti Davidii. Iriu wa fɔ idei waati iyi Davidi í wa si gbaai Zudaa.

Mɔnda ŋa 4:16

Inɛ ŋau à ci ya sĩ njoo bii a kù ce laalɔ. À ci ya ba njoo bii a kù ba inɛ iyi à cea laalɔ.

Ezai 35:7

Ilɛ iyi wa gbãau á baa ku jɛ ido, nɔ ilɛ bii agbɛ í wau á baa ku jɛ inyai inyi. Tengi bii ajaako ŋa à ya tako a maa sũu, njee ŋai aa fita bɛ.

Ezai 44:3

Ntɔ ntɔ, ilɛ hai nɛ mandiu, an fãsi inyi, nɔ n jɔ̀ inyiu ku maa cã si ilɛ ngbɛu. An jɔ̀ hundem ku naa si amaɛ ŋa nɔ kuweem ku naa si tɔkuɛ ŋa.

Ezai 48:22

Amma Aɔ̃ Lafɛ̃ɛ í ni, kuwee ŋau bɛ kaa jɛ ti inɛ laalɔ ŋa.

Maaku 5:10

Ŋɔi í tɔɔ Jesu suuru ku maà nyɔ aŋa ikpa ilɛ mmu.

Maaku 9:25

Iyi Jesu í yɛ akpɔi inɛ ŋau wa kɔ̃ɔsi à sɛi à waa naa bi ti nŋu ŋɔi í lasi inɛi inɔɔkou í ni, awɔ iyi ì ya dasi inɛ dekĩ ku mɔngɔ ide ku fɔ, amui ǹ ni, fita si amau nɔ i maà nyi wa siɛ má.

Luku 11:25

Waati iyi í nyi nɔ í ba inɛɛu í yɛ bɛi ile ngbɛ iyi à kpã à teeseɛ sãa sãa,

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.