Luku 11:2 - Bibeli do fee

² Ŋɔi Jesu í sɔ̃ ŋa í ni, bii ì waa ce kutɔɔ ŋa i ya ni, Baaba, jɔ̀ inɛ fei ku mà iyi awɔi ì jɛ inɛ kumá. Naa i jɛ bommaɛ.

Luku 11:2 Iomraidhean Croise

Ilaalu 1, 8:43

Jɔ̀ i gbɔ kutɔɔ nŋa wa hai lele bi kuwaɛ, nɔ i muu nŋa mii iyi à tɔɔɛ fei ku ba inɛi andunya fei ku gbɔ iriɛ nɔ a jirimaɛ bɛi inɛi Izirɛli zamaaɛ ŋa. Nɔ aŋa fei a mà iyi iriɛi à ya kpe si ile iyi ǹ ma ǹ nyaa ikãu ihɛ̃.

Ilaalu 2, 19:19

Amma awɔ Aɔ̃ Lafɛ̃ɛ nwa, faaba wa bɛbɛi hai si awɔi Senakeribu. Do yaase bɛɛbɛ, si bommai andunya ŋau fei, Aɔ̃ Lafɛ̃ɛ, inɛ ŋa aa mà iyi awɔ akãi ì jɛ Ilaaɔ̃.

Bomma 2, 20:6

Ŋɔi í ni, Aɔ̃ Lafɛ̃ɛi bala nwa ŋa, awɔ iyi ì waa mu bommai lele nɔ ì nɛ gbugbã si bommai ilɛ ŋa fei. Ì nɛ gbugbã nɔ inɛ kãma kaa kɔ̀ò araɛ si wajuɛ.

Iri ku kɔ̃ 103:20

I cĩ Aɔ̃ Lafɛ̃ɛ ŋa, iŋɛ amaleka ilu gbugbãɛ ŋa. Iŋɛi ì ya gbɔ ideɛ nɔ i ya ceò icɛ ŋa.

Iri ku kɔ̃ 108:5

domi jiida ku jɛɛ í wai hee lele nɔ bɛɛbɛ mɔi à waa yɛ ntɔ ku jɛɛ si kudũi ijĩ ŋa.

Iri ku kɔ̃ 11:4

Aɔ̃ Lafɛ̃ɛ í wa si kpasɛ̃ kumáɛ wa buba lelei Aɔ̃ si kitãi bommaɛ. Wa cɔ amanɛ ŋa, nɔ wa yɛ ŋa.

Iri ku kɔ̃ 57:11

domi à waa yɛ jiida ku jɛɛi hee lelei Aɔ̃ nɔ bɛɛbɛ mɔi à waa yɛ ntɔ ku jɛɛ si kudũi ijĩ ŋa.

Woo lasabu 5:2

Do ntɔ, si bɛi inɛ iyi wa lasabuò mii nkpɔ í ya ce ala laalɔ, bɛɛbɛ mɔi inɛ iyi wa fɔ ide nkpɔ, á na ku fɔ ide hai nɛ yaase.

Ezai 63:16

Do nŋu fei, awɔi ì bɛi ì jɛ baa nwa. Aburahamu bala nwau kù mà wa, nɔ Izirɛli kù mà wa. Awɔ Aɔ̃ Lafɛ̃ɛ, awɔi ì jɛ baa nwa. Awɔ, iriɛi í jɛ woo ya nwa baa hai tako hee do nsɛi fei.

Ezekiɛli 36:23

Iŋɛi ì bɛjɛ bɛɛrɛ nla nlai irim nɔu bi dimi mmu ŋau. Nɔ do nŋu bɛ fei, an nyisi ŋa iyi amui ǹ jɛ Ilaaɔ̃ inɛ kumá. Iŋɛi an so n nyisi ŋaò. Do yaase bɛɛbɛ, inɛ ŋau aa mà iyi amui ǹ jɛ Aɔ̃ Lafɛ̃ɛ. Amu Aɔ̃ Lafɛ̃ɛi ǹ fɔ bɛɛbɛ.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 7:18

Amma si anyi nŋa, inɛ ŋa iyi à jɛ ti Aɔ̃ Lafɛ̃ɛi leleu, aŋai aa gba bommau. Bommau, tu ŋai á jɛ hee do ajɔ fei.

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Kuwee 10:3

Ŋɔi Moizi í sɔ̃ Arɔ̃ɔ í ni, bɛɛbɛi Aɔ̃ Lafɛ̃ɛ í fɔ si waati iyi í ni, ǹ bi inɛ ŋa iyi à waa sɛkɛɛ sim wa ku ba a ceem kuwee a mà iyi amu inɛ kumái, nɔ a ya naa do jirima, nɔ a ya jɔ̀ zamaau fei ku mà bɛɛrɛm. Ŋɔi Arɔ̃ɔ wa coko.

Kuwee 22:23

Aa yɔkɔ i cea amu Aɔ̃ Lafɛ̃ɛ kuwee iyi í jɛ do idɔɔbiɛ do kɛtɛ walakɔ do angudã walakɔ do iwo iyi kutɛ akãɛ í sɔ í re, walakɔ iyi kutɛ akãɛ í kandaa hee í caa í re kutɛ kpaasi ŋau. Amma bii ì ceem kuwee do mɛɛmu dimi bɛɛbɛ gɔ i ba i kɔ̃ kuwã gɔ iyi ì ce, kaa dɔ̃ɔm si.

Abakuku 2:14

Ntɔ ntɔ inɛ ŋa aa mà amboei Aɔ̃ Lafɛ̃ɛ si andunya fei bɛi inyi í ya maa kɔ̃ si tenku.

Matie 10:32

Na nŋu, inɛ iyi í fɔ si wajui amanɛ ŋa í ni nŋu í gbam, amu mɔ an gbaa si wajui Baam iyi í wa lele.

Matie 3:2

Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Luku 11:1

Ajɔ nŋu gɔ Jesu wa ce kutɔɔ bii gɔ. Iyi í tã ŋɔi mɔcɔ akãɛ í ni, Lafɛ̃ɛ, kɔ wa si bɛi aa ka ya ce kutɔɔ, bɛi Zãa í kɔ mɔcɔɛ ŋa si.

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Kɔrɛnti 1, 1:3

Ilaaɔ̃ baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Kɔrɛnti 2, 1:2

Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Efɛɛzu 1:2

Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Filipi 1:2

Ilaaɔ̃ Baa nwa do Jesu Kirisi Lafɛ̃ɛ nwa a mu nŋɛ didɔ̃ do laakai ku sũ.

Filipi 4:20

Amboei Ilaaɔ̃ Baa nwa ku wɛɛ do ajɔ fei. Ami.

Kolosee 1:2

à ce ŋɛ fɔɔ, iŋɛ inɛ nwa ilu naanɛ ŋa iyi Kirisi í cica ì jɛ tɛɛ ŋa si ilui Kolosee bɛ. Ilaaɔ̃ Baa nwa ku mu nŋɛ didɔ̃ do laakai ku sũ.

Tɛsalonika 1, 1:1

Amu Pɔlu do Silasi do Timɔtee, à ce ŋɛ fɔɔ, iŋɛ inɛi igbɛi Jesu ŋa iyi ì wa Tɛsalonika ŋa, iŋɛ iyi ì jɛ ti Ilaaɔ̃ Baaba do ti Lafɛ̃ɛ Jesu Kirisi ŋa. Didɔ̃ do laakai ku sũ ku wɛɛ nŋɛ.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 15:4

Yooi kaa ce njoɛ, Lafɛ̃ɛ. Yooi á kɔ̀ ku saabuɛ. Awɔ akãi ì jɛ inɛ kumá. Inɛi ilɛ baa yooma fei á naa bi tɛɛ, aa na a gulɛ a tɔɔɛ, domi ì nyisi iyi kiitiɛ í jɛ dee dee.

Kuyɛi Zãa 19:6

Nɔ ǹ gbɔ ide ku fɔ gɔ bɛi imui zamaa. Aa ni bɛi iri cuui inyi nla gɔi walakɔ bɛi kulai ijĩ. Ide ku fɔu í ni, ka saabu Ilaaɔ̃, domi Ilaaɔ̃ Lafɛ̃ɛ nwa ilu gbugbã fei í jɛ bomma.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.