Luku 11:13 - Bibeli do fee

¹³ Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?

Luku 11:13 Iomraidhean Croise

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Iri ku kɔ̃ 51:5

Ǹ mà kuraram ŋa, nɔ dulum dom í ya wai si wajum.

Mɔnda ŋa 1:23

I sotĩ i gbɔ kai iyi ǹ wa n dɔ̃ nŋɛ, nɔ n da nŋɛ si hundem n má nŋɛ inya do ikɔ ŋa.

Ezai 49:15

Amma Aɔ̃ Lafɛ̃ɛ í jɛaa í ni, inaabo í ya gbɛjɛ idei ama ku mɔmɔɛi? Ci ya nɛ araarei amaɛ iyi í bí? Baa bii í jɛ á ce inaabo ku gbɛjɛɛi, amu n kaa n gbɛjɛɛ pai.

Ezekiɛli 36:27

Hundem nii an da ŋɛ si ku ba i yɔkɔ i maa too si woodam ŋa, nɔ i maa ceò ŋa icɛ ŋa.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Matie 5:45

Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa wɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.

Matie 6:14

Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei dulum du ŋɛ.

Matie 6:30

Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda kusĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?

Matie 6:32

Hai mà idei Ilaaɔ̃ ŋai à ya maa kpataa mii ŋau bɛ fei, amma Baa nŋɛ iyi í wa lele í mà iyi ì nɛ bukaatai mii ŋau bɛ fei ŋa.

Matie 7:11

Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa mua inɛ ŋa iyi à waa tɔɔɛ mii jiida ku re bɛɛbɛ ŋa?

Luku 11:12

walakɔ bii í tɔɔɛ njɛi ajɛɛ ku so cencee ku naa.

Luku 11:2

Ŋɔi Jesu í sɔ̃ ŋa í ni, bii ì waa ce kutɔɔ ŋa i ya ni, Baaba, jɔ̀ inɛ fei ku mà iyi awɔi ì jɛ inɛ kumá. Naa i jɛ bommaɛ.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Romu 5:17

À mà iyi iku í tosi inɛ feii na dulum dii inɛ akãu. Amma na inɛ akã mɔi aa ka ba mii iyi í la í re, domi inɛ iyi í gba didɔ̃ nlai Ilaaɔ̃ do amua nlaɛ iyi í jɔ̀ í jɛ dee dee fei, á maa wɛɛ nɔ á jɛ bomma na irii Jesu Kirisiu.

Romu 7:18

Ǹ mà sãa sãa iyi mii jiida kãma kù wa sim, waatɔ daam nii ǹ wa n fãa, domi waati kãma fei ǹ ya n maa n bi jiida ku ce, amma kuceɛi n ci ya n yɔkɔ.

Romu 8:32

Ilaaɔ̃ kù kɔ̀ò Amai nŋu takaɛ, amma í jɔ̀ à daa inɛ ŋa si awɔ à kpaa na irii awa fei. Nŋu iyi í na wa Amaɛu bɛɛbɛ, bɛirei á ce iyi kù mu nwa mii iyi í gbe fei.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.