Luku 11:1 - Bibeli do fee

¹ Ajɔ nŋu gɔ Jesu wa ce kutɔɔ bii gɔ. Iyi í tã ŋɔi mɔcɔ akãɛ í ni, Lafɛ̃ɛ, kɔ wa si bɛi aa ka ya ce kutɔɔ, bɛi Zãa í kɔ mɔcɔɛ ŋa si.

Luku 11:1 Iomraidhean Croise

Iri ku kɔ̃ 10:17

Aɔ̃ Lafɛ̃ɛ, awɔi ì ya gbɔ kutɔɔi inɛ ŋa iyi à wa si wahala. Awɔi ì ya mu nŋa gbugbã nɔ ì ya desi ŋa itĩ,

Iri ku kɔ̃ 19:14

Amu woo ce icɛɛ, jɔ̀ ilu faau ŋa a jĩim, maà jɔ̀ a kãmiam. Waati bɛɛbɛ, an jɛ inɛ dee dee iyi kù nɛ taale nla nla.

Luku 10:42

Amma bukaatai mii akãi amanɛ í nɛ. Nŋui Maari njɛ í cica bɛ, nɔ inɛ kãma kaa gbaa siɛ má.

Luku 11:2

Ŋɔi Jesu í sɔ̃ ŋa í ni, bii ì waa ce kutɔɔ ŋa i ya ni, Baaba, jɔ̀ inɛ fei ku mà iyi awɔi ì jɛ inɛ kumá. Naa i jɛ bommaɛ.

Luku 6:12

Waati bɛɛbɛ Jesu í koo í gũ iri kuta gɔ ku ce kutɔɔ. Nɔ idũu fei í wasi ku ce kutɔɔ.

Luku 7:13

Iyi Lafɛ̃ɛ í yɛ abou ŋɔi araare í muu, nɔ í sɔ̃ɔ í ni, maà kpata.

Luku 7:19

í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Luku 9:18

Ajɔ nŋu gɔ Jesu do mɔcɔɛ ŋa à nya ara nŋa ikã nɔ wa ce kutɔɔ. Nɔ í bee ŋa í ni, yooi inɛ ŋa à ya ni ǹ jɛ.

Luku 9:28

Iyi Jesu í fɔ ideu í tã, iyi í ce zakai ajɔ mɛɛjɔ ŋɔi í kpe Piɛɛ do Zãa do Zaaki à koo à gũ antaii iri kuta gɔ ku ba ku ce kutɔɔ.

Ebɛɛ 5:7

Si waati iyi Jesu í wa si andunya í ya ce kutɔɔ do anu ku dɔ̃ nla nla do cikãaju. Í tɔɔ sobii Ilaaɔ̃, nŋu iyi á yɔkɔ ku nyaa hai si awɔi iku, nɔ í gbɔaa si na iyi í jɔ̀ í sũaa iri ilɛ.

Zudu 1:20

Amma iŋɛ baakɔɔm ŋa, i ya maa mua njɛ gbugbã si naanɛ iyi ì dasi Jesu ŋa, nɔ i ya ce kutɔɔ do gbugbãi Hundei Ilaaɔ̃ ŋa.