Luku 10:7 - Bibeli do fee

⁷ Kpasɛ̃ bii à gba ŋɛu, kpasɛ̃ bɛi aa maa wa ŋa, sɔnda do inyi iyi à na ŋɛ fei i ya gba i jɛ ŋa, domi inɛ kaa máa ce icɛ iyi kù waa jɛ. I maà ya lɔ kpasɛ̃ do kpasɛ̃ ŋa.

Luku 10:7 Iomraidhean Croise

Kuka 18:31

Si anyiɛ mii ŋa iyi à gbe nŋɛ ŋau bɛi, tengi bii ì bi feii aa jɛ ndu ŋɛ ŋa do inɛi kpasɛ̃ nŋɛ ŋa fei, domi iyi í jɛ baa nŋɛ mbɛ si iyi ì waa ce si ile bi kukou ŋa.

Maaku 6:10

Ŋɔi í sɔ̃ ŋa má í ni, bii ì to ilu bii ì waa bɔ ŋa, i wa kpasɛ̃ bii à dasi ŋɛ hee i koo i nɛò hai ilu bɛ ŋa.

Luku 10:6

Bii ilu laakai ku sũ gɔ í wa bɛ, laakai ku sũ nŋɛ á to siɛ. Bii kù wɛɛ mɔi á nyi wa si ŋɛi.

Luku 9:4

Kpasɛ̃ bii ì sɔ ŋa, i ya wa bɛ hee i koo i fita hai ilu bɛ ŋa.

Woo bɛ ŋa 16:15

Abou do inɛi kpasɛ̃ɛ ŋa fei à ce inyi ku dasi nɔ í tɔɔ wa í ni, bii ì mà iyi ǹ dasi naanɛ ntɔ ntɔ ŋai i naa wa i naa i ce baa ajɔ minji kpasɛ̃m ŋa. Nɔ í mante wa hee à jɛ́ nɔ à bɔ kpasɛ̃ɛ.

Woo bɛ ŋa 16:34

Ŋɔi í gbã Pɔlu do Silasi í bɔò ŋa lele bii ileɛ í wa nɔ í na ŋa ijɛ à jɛ. Nŋu do inɛɛ ŋa fei, inɔ nŋa í dɔ̃ do bɛi à dasi Ilaaɔ̃ naanɛ.

Woo bɛ ŋa 16:40

Iyi Pɔlu do Silasi à fita hai ile piisɔ̃ɔu ŋɔi à bɔ kpasɛ̃i Lidi. Iyi à koo à yɛ kpaasi woo dasi naanɛ ŋau à mu nŋa gbugbã, à bɛi à nɛ.

Galati 6:6

Awɔ iyi à waa kɔ idei Ilaaɔ̃, mii iyi ì nɛ fei jɔ̀ i kpɔ̃ɔ do inɛ iyi wa kɔɛ si.

Wooda ku kɔsi 12:12

Tengi bɛi aa wɛɛò inɔ didɔ̃ ŋa si wajui Aɔ̃ Lafɛ̃ɛ, iŋɛ do ama inɛmɔkɔ nŋɛ ŋa do ama inaabo nŋɛ ŋa do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋau, do inɛi Levii ŋa iyi aa wa si ilu nŋɛ ŋau, domi inɛi Levii kãma kaa nɛ ikpɛ̃ si tubu nŋɛ ŋau.

Wooda ku kɔsi 18:8

Á nɛ kpãai ku ba sɔndai bɛi inɛ iyi ihɔ̃ ŋau mɔ. Nɔ inɛ nŋu kù wa baai amani ŋa iyi à jɛ ti baaɛ iyi í tau.

Timɔtee 1, 5:13

Si anyiɛ nɔ aa nɛ ika a ya maa dabii dabii kpasɛ̃ do kpasɛ̃. Iyi í re mɔm, aa ya maa sɔ irii inɛ ŋa nɔ a ya maa gũ wɔbia nɔ aa jɛ woo sisi ide ŋa.

Timɔtee 2, 2:6

Bɛɛbɛ mɔi woo logoo iyi í ce icɛ do wahala nŋui á tako ku jɛ amaajɛɛ.