Luku 10:6 - Bibeli do fee

⁶ Bii ilu laakai ku sũ gɔ í wa bɛ, laakai ku sũ nŋɛ á to siɛ. Bii kù wɛɛ mɔi á nyi wa si ŋɛi.

Luku 10:6 Iomraidhean Croise

Iri ku kɔ̃ 35:13

Amu, waati iyi a kù waa nɛ baani, ibɔi saakii ǹ dasi n nyisiò inɔ kufɔm, ǹ ceò kutɔɔ do anu ku dĩ. Amma kutɔɔm nɔu kù ce nkãma.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Luku 10:5

Kpasɛ̃ bii ì lɔ ŋa i tako i sɔ̃ ŋa ŋa i ni, Ilaaɔ̃ ku mu nŋɛ laakai ku sũ.

Luku 10:7

Kpasɛ̃ bii à gba ŋɛu, kpasɛ̃ bɛi aa maa wa ŋa, sɔnda do inyi iyi à na ŋɛ fei i ya gba i jɛ ŋa, domi inɛ kaa máa ce icɛ iyi kù waa jɛ. I maà ya lɔ kpasɛ̃ do kpasɛ̃ ŋa.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Tɛsalonika 2, 3:16

Lafɛ̃ɛ nŋu iyi í jɛ icui laakai ku sũ, ku mu nŋɛ laakai ku sũ waati kãma fei si mii iyi í ba ŋɛ fei. Lafɛ̃ɛ ku wɛɛ do iŋɛ fei.

Zaaki 3:18

Inɛ ŋa iyi à waa dɛ anu akã à ya ce kuwɛɛ nŋa feii si laakai ku sũ. Laakai ku sũu í yɛi bɛi dimi iyi à waa gbɛ̃ nɔ mii iyi aa na a da nŋui í jɛ kuwɛɛ dee dee.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Samuɛli 1, 25:17

Bɛbɛi lasabu, nɔ i cɔ bɛi aa ce, domi kù nɛ sika kãma laalɔu á naa si lafɛ̃ɛ nwa do si kpasɛ̃ɛ fei. Nɔ lafɛ̃ɛ nwau í gaabu í jɔ̀ baa inɛ kãma ci ya baa ide ku fɔ.