Luku 10:42 - Bibeli do fee

⁴² Amma bukaatai mii akãi amanɛ í nɛ. Nŋui Maari njɛ í cica bɛ, nɔ inɛ kãma kaa gbaa siɛ má.

Luku 10:42 Iomraidhean Croise

Iri ku kɔ̃ 119:111

Ideɛ ŋai à jɛ tubu jiidam do ajɔ fei, domi aŋai à ya jɔ̀ n maa n nɛ inɔ didɔ̃.

Iri ku kɔ̃ 119:173

Woodaɛ ŋai ǹ cica n jirima. Naa i sobim.

Iri ku kɔ̃ 119:30

Ǹ cica kpãai dee dee ku jɛ. Nɔ ǹ wa n jirima asaiyaɛ ŋa.

Iri ku kɔ̃ 142:5

Cɔ do awɔ njɛm, aa yɛ iyi inɛ gɔ kù màm. N kù nɛ bii an manji. Inɛ gɔ kù waa lasabu do kuwɛɛm.

Iri ku kɔ̃ 17:15

Amma amu, na dee dee ku jɛm, an yɛ wajuɛ, nɔ waati iyi ǹ jĩ, an maa n cɔɛi n kaa n gbɛɛji.

Iri ku kɔ̃ 27:4

Mii akãi ǹ wa n tɔɔ Aɔ̃ Lafɛ̃ɛ, nɔ nŋui wa mum jiida jiida. Nŋui í jɛ n maa n wa inɔ kpasɛ̃ɛ si kuwɛɛm fei n maa n cɔ jiida ku jɛɛ, nɔ n maa n tɔɔɛ.

Iri ku kɔ̃ 73:25

Inɛ mmu yoomai ǹ nɛ lelei Aɔ̃. Baai awɔ baasi, n kù nɛ kɔdɛɛi nkãma si ilɛu ihɛ̃.

Woo lasabu 12:13

Ka sotĩ ka gbɔ iri ku kpai ideu. Mii iyi amanɛ í nɛ ku ce, nŋui í jɛ ku mà bɛɛrɛi Ilaaɔ̃ nɔ ku jirima woodaɛ ŋa,

Maaku 8:36

Aranfãani yoomai amanɛ í nɛ bii í ba amanii andunya fei nɔ í kua kuwɛɛɛ.

Luku 10:39

Abou í nɛ ifɔ gɔ iyi à ya kpe Maari. Ifɔu wa bubai kɔkɔi Lafɛ̃ɛ wa gbɔ ideɛ.

Luku 11:1

Ajɔ nŋu gɔ Jesu wa ce kutɔɔ bii gɔ. Iyi í tã ŋɔi mɔcɔ akãɛ í ni, Lafɛ̃ɛ, kɔ wa si bɛi aa ka ya ce kutɔɔ, bɛi Zãa í kɔ mɔcɔɛ ŋa si.

Luku 12:20

Amma Ilaaɔ̃ í sɔ̃ɔ í ni, awɔ nnyɛi, idũuyi mɔm aa nya hundeɛ. Sɔɔlui mii ŋa iyi ì ceu bɛ, ti yooi á jɛ.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 16:2

Ŋɔi lafɛ̃ɛ í kpoo í beeɛ í ni, irei ǹ wa n gbɔ inɛ ŋa à wasi ku sɔ iriɛ ya. I kaa yɔkɔ i jɛ amaacɛm má. Koo so tiai icɛɛ wa si bii ì ya ce dooi fiam, i naa i nyisim.

Luku 16:25

Ŋɔi Aburahamu í ni, amam, ye gigi iyi ì ba mii jiidaɛ tã hai andunya, nɔ Lazaa mɔ í yɛ wahala. Wee ihɛ̃ nsɛi inɔɛ í tũ nɔ awɔ mɔ ì waa yɛ ijuukpã.

Luku 18:22

Iyi Jesu í gbɔ bɛɛbɛ, ŋɔi í sɔ̃ɔ í ni, í gbeɛ mii akã. Koo i ta mii iyi ì nɛ fei nɔ i kpɛ̃a ilu are ŋa fiau. Bii ì ce bɛɛbɛ aa ba amani jiida lelei Aɔ̃. Si anyiɛ nɔ i naa i toom.

Luku 8:18

Na nŋu, i ce laakai ŋa do yaase bɛi ì waa gbɔò ide ŋa, domi inɛ iyi í nɛ, nŋui à ya kɔ̃ɔa si. Inɛ mɔ iyi kù nɛ, andi iyi wa tamaa siu má à ya gbaai.

Laabaau jiida iyi Zãa í kɔ 11:1

Mɔkɔ gɔ iyi à ya kpe Lazaa kù waa nɛ baani. Betanii í jɛ iluɛ, nɔ ilui Maari do Maata mɔm bɛ.

Laabaau jiida iyi Zãa í kɔ 11:19

Nɔ hai Zeruzalɛmu bɛ Zuifu nkpɔ gɔ ŋa mɔ à naa bi Maata do Maari ku ba a ce ŋa fɔɔ na wecĩ nŋa iyi kù wɛɛ.

Laabaau jiida iyi Zãa í kɔ 12:3

Wee Maari í nɛ tuaei fia nkpɔ gɔ iyi à ce do ikpoi naadi alala, zakai bubui liiti. Ŋɔi í koo í soo í naa í fãsi isɛi Jesu, nɔ í gbãa do ntoi iriɛ. Ŋɔi inunui tuaeu í gba kpasɛ̃u fei.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 4:14

Amma inɛ iyi an mua inyi ku mɔ, agbɛ kaa kpa lafɛ̃ɛ má, domi inyi iyi an mua lafɛ̃ɛ á maa sɔ̃i bɛi inyii isɔ̃ nɔ á na inɛ kuwɛɛ hai tã.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Kɔrɛnti 1, 13:3

Baa bii ǹ kpɛ̃a ilu are ŋa amanim fei, nɔ baa bii ǹ jɔ̀ à sɔ̃ aram bɛi iŋai kuwee, bii n kù nɛ kubi, n kaa n ba riba.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Wooda ku kɔsi 30:19

Ntɔ ntɔ ǹ wa n na ŋɛ baauɛi hai nnyi, nɔ lele do ilɛi à jɛ sɛɛdam. Kuwɛɛ do ikui ǹ jilɛ nŋɛ, nɔ ǹ jilɛ nŋɛ kuwee mɔ do ikpe. Na nŋu, i cica kuwɛɛ ŋa ku ba i maa wɛɛ ŋa iŋɛ do tɔku nŋɛ ŋa.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Zozue 24:22

Nɔ Zozue í sɔ̃ ŋa má í ni, to. Debɛi iŋɛ taka nŋɛ ì jɛ sɛɛdai ara nŋɛ ya. Iŋɛ taka nŋɛi ì jilɔɔ si iŋɛ i cea Aɔ̃ Lafɛ̃ɛ icɛ ŋa. Nɔ aŋa fei à jɛ à ni, oo, à jɛ sɛɛdai ara nwa.