Luku 10:33 - Bibeli do fee

³³ Amma inɛi Samari gɔ mɔ wa bɔ ilu. Iyi í to bɛ ŋɔi í yɛ mɔkɔu nɔ araare í muu.

Luku 10:33 Iomraidhean Croise

Ilaalu 1, 8:50

Kpa idei dulum dii zamaaɛ ŋau do kurara iyi à ceɛ fei, nɔ jɔ̀ inɛ ŋa iyi à waa mu ŋa aruu a ce araare nŋa,

Kufita 2:6

Iyi í soo wa ŋɔi í cũu, nɔ í ba wee ama inɛmɔkɔ keekei í wa si inɔɛ í wasi ku kpata. Ŋɔi araare í muu nɔ í ni, amai inɛi Ebɛɛ gɔi.

Mɔnda ŋa 27:10

Maà toa kpaasiɛ walakɔ kpaasii baaɛ anyi. Bii wahala gɔ í naa siɛ, maà bɔ sobi ku dɛdɛ bi nyaanzeɛ nŋu akã, domi inɛ iyi í wa kɔkɔɛ í tia baakɔɔi jĩijĩ.

Matie 10:5

Jesu í bɛ amanɛ maateeji ŋau nɔ í sɔ̃ ŋa bɛi nŋu í bi a ce. Í ni, i maà bɔ bi dimi mmu ŋa, nɔ i maà lɔ si ilui inɛi Samari kãma ŋa.

Matie 18:33

Awɔ mɔ ì nɛ i ce araarei amaacɛ kpaasiɛi wo si bɛi ǹ ceɛ.

Luku 10:32

Bɛɛbɛ mɔi inɛ gɔ si dimii Levii í to inyau. Iyi í yɔɔ nɔ í gbe í lɔ.

Luku 10:34

Nɔ í sɛkɛɛ siɛ í jɔaa ikpo do atɛ̃ vɛ̃ɛ si agbɛi kumɛɛ ŋau nɔ í dũu. Si anyiɛ nɔ í lesiɛ si gbankɛlɛi nŋu takaɛ í bɔòɛ bi ku sɔi inɛ njoo ŋa nɔ í gbɔaa.

Luku 7:13

Iyi Lafɛ̃ɛ í yɛ abou ŋɔi araare í muu, nɔ í sɔ̃ɔ í ni, maà kpata.

Laabaau jiida iyi Zãa í kɔ 4:9

Ŋɔi abou í sɔ̃ Jesu í ni, awɔ Zuifu, bɛirei í ce ì waa tɔɔm inyi ku mɔ, amu inaaboi Samari. Abou í ni bɛɛbɛi si na iyi í jɔ̀ Zuifu ŋa do inɛi Samari ŋa a ci ya ce njɛ fɔɔ.

Laabaau jiida iyi Zãa í kɔ 8:48

Ŋɔi Zuifu ŋau à sɔ̃ Jesu à ni, debɛi awa à nɛ ntɔ si bɛi à ni awɔ inɛi Samarii, nɔ ì nɛ inɛi inɔɔko.