Luku 10:28 - Bibeli do fee

²⁸ Ŋɔi Jesu í ni, ide iyi ì jɛ í sĩa. Ce bɛɛbɛ, aa ba kuwɛɛ.

Luku 10:28 Iomraidhean Croise

Neemi 9:29

Si anyiɛ ì sɔ̃ ŋa ì ni a jirima woodaɛu. Amma à so ara nŋa lele à waa koo a kù gbɔ ideɛ. À kua woodaɛ baa do iyi woodaɛui í ya mua inɛ iyi wa jirimaɛ kuwɛɛ. À nyisi iyi aŋa à jɛ hai gbɔ ide ŋa nɔ à kɔ̀ ku jirimaɛ.

Mɔnda ŋa 19:16

Inɛ iyi wa jirima wooda wa wɔ njoo si hundeɛi. Inɛ iyi wa dondaɛ á ce nfe.

Ezekiɛli 20:11

Ǹ na ŋa ikɔm ŋa do woodam ŋa ku ba inɛ ŋa iyi à waa ceò ŋa icɛ fei a maa wɛɛ.

Ezekiɛli 20:13

Amma inɛi Izirɛli ŋau à dedeò ide ku kɔ̀ sim si gbaau. A kù jirima ikɔm ŋa, à fũsi woodam ŋa awɔ. Wooda ŋau do ikɔ ŋau, inɛ ŋa iyi à waa ceò ŋa icɛ fei, aa maa wɛɛi na iri nŋa. A kù saalu ajɔi kusĩmiu. Ŋɔi ǹ lasabu n jɔ̀ idɔɔkɔ̃m ku naa si ŋa wa si gbaau ku ba n ce nfe nŋa mam mam.

Ezekiɛli 20:21

Amma ama nŋa ŋau à dedeò ide ku kɔ̀ sim. A kù jirima ikɔm ŋa do woodam ŋa nɔ a kù ceò ŋa icɛ ku ba a wɛɛ. À bɛjɛ ajɔi kusĩmim ŋau. Ŋɔi ǹ lasabu n jɔ̀ idɔɔkɔ̃m ku naa si ŋa ku ba n ce nfe nŋa mam mam si gbaau.

Kuwee 18:5

I jirima idem do woodam ŋa. Inɛ iyi wa ceò woodam ŋau icɛ na iri nŋai á maa wɛɛ. Amui ǹ jɛ Aɔ̃ Lafɛ̃ɛ.

Matie 19:17

Nɔ Jesu í beeɛ í ni, na mii í ce ì waa beem idei jiida ku ce. Ilaaɔ̃ nŋu akãi í jɛ jiida. Bii ì bi i ba kuwɛɛ iyi ci ya tã, jirima woodai Ilaaɔ̃ ŋau.

Maaku 12:34

Iyi Jesu í yɛ í jɛ do lasabu jiida, ŋɔi í sɔ̃ɔ í ni, í gbe keeke i jɛsi Ilaaɔ̃ ku jɛ ilaaluɛ. Si anyii nŋu, inɛ kãma kù jɛ ku bee Jesu ide gɔ má.

Luku 7:43

Nɔ Simɔɔ í jɛaa í ni, ǹ tamaa inɛ iyi gbeseɛ í reui. Ŋɔi Jesu í sɔ̃ɔ í ni, ntɔi ì fɔ.

Romu 10:4

Kpãa iyi Ilaaɔ̃ í jilɛui í jɛ Kirisi iyi í na í kpa irii woodai Moizi nɔ inɛ iyi í dasiɛ naanɛ fei á jɛ dee dee si wajui Ilaaɔ̃.

Romu 3:19

Amma awa à mà iyi mii iyi wooda wa fɔ fei, inɛ ŋa iyi woodau í kãi wa fãa. Wooda í wɛɛi ku ba gɛlɛ kãma ku maà nɛ iyi á fɔ, nɔ inɛ fei ku mà iyi Ilaaɔ̃ wa yɛ taaleɛ.

Romu 7:10

nɔ ǹ ku. Bɛɛbɛi wooda iyi í nɛ ku jɔ̀ n nɛ kuwɛɛ, ǹ ba wee ikui í naam wa,

Galati 3:12

Ntɔ ntɔ, icui wooda kù wa si naanɛ ku dasi. Amma à kɔɔ à ni, inɛ iyi í yɔkɔ wa jirima woodau dee dee, lafɛ̃ɛi á ba si kuwɛɛ.

Wooda ku kɔsi 6:24

Na ŋɔi í jɔ̀ í ni ka jirima wooda ŋa iyi nŋu í na wa ŋau fei. Nɔ í ni aa ka ya ka maa wɛɛò inɔ didɔ̃i waati kãma fei bii à waa jirima nŋu, nɔ nŋu á jɔ̀ ka maa wɛɛ si hundei bɛi à wɛɛ nnyiu ihɛ̃.