Luku 10:27 - Bibeli do fee

²⁷ Ŋɔi í jɛ í ni, bi Aɔ̃ Lafɛ̃ɛɛ do idɔɛ fei, do gbugbãɛ fei, do lasabuɛ fei, nɔ i bi inɛ mmu ŋa bɛi ì bi araɛ.

Luku 10:27 Iomraidhean Croise

Kuwee 19:18

Inɛ kãma ku maà jaa araɛ, nɔ ku maà mu inɛɛ ŋa do mbɛɛtɛ. Inɛ fei ku bi inɛ mmu bɛi í bi araɛ. Amui ǹ jɛ Aɔ̃ Lafɛ̃ɛ nŋɛ.

Matie 19:19

Jirima iyeò baaɛ, nɔ i bi inɛ mmu bɛi ì bi araɛ.

Luku 10:26

Ŋɔi Jesu í beeɛ í ni, mii à kɔ si woodau. Ide mii ì ya cio si.

Romu 13:9

Ntɔ ntɔ, wooda ŋau ihɛ̃ à ni, i maà ce sakara, nɔ i maà kpa inɛ, nɔ i maà ce ile, nɔ i maà ce binɛ, do wooda ikã ikã iyi í gbe fei aa yɔkɔ a tɔtɔɔ ŋa si wooda akã. Wooda akãu wee. Bi inɛ mmu bɛi ì bi araɛ.

Galati 5:13

Iŋɛ inɛm ŋa, à kpe ŋɛi i na i nɛ ara nŋɛ. Do nŋu fei, i maà jɔ̀ ara ku nɛ nŋɛ ku mua daai iŋɛ taka nŋɛ kpãa i ceò idɔɔbii ara nŋɛ. Amma i ya maa sobi njɛ do kubi ŋa,

Wooda ku kɔsi 10:12

To, nsɛi iŋɛ inɛi Izirɛli ŋa, mii iyi Aɔ̃ Lafɛ̃ɛ wa cɔ si ŋɛi í jɛ, i jirimaɛ, nɔ i too idɔɔbiɛ ŋa, nɔ i buu ŋa, nɔ i ceaa icɛ do idɔ nŋɛ fei do lasabu nŋɛ fei.

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Wooda ku kɔsi 6:4

Iŋɛ inɛi Izirɛli ŋa i sotĩ i gbɔ, Aɔ̃ Lafɛ̃ɛ nwa nŋu akãi í jɛ Ilaaɔ̃.

Wooda ku kɔsi 6:5

I bi Aɔ̃ Lafɛ̃ɛ do idɔ nŋɛ fei, do lasabu nŋɛ fei, do gbugbã nŋɛ fei.

Ebɛɛ 8:10

Nɔ ǹ ni má, akabuum wee, iyi an dĩ do dimii inɛi Izirɛli ŋa si anyii ajɔ nŋu. An dasi woodam si lasabu nŋa. An kɔɔ si idɔ nŋa. An jɛ Aɔ̃ Lafɛ̃ɛ nŋa nɔ aa jɛ inɛm ŋa.

Zaaki 2:8

Kukɔi idei Ilaaɔ̃ í ni, bi inɛ mmu bɛi ì bi araɛ. Ntɔ ntɔ, mii jiidai ì waa ce bii ì waa too woodai bommai Ilaaɔ̃u bɛ ŋa.

Zãa 1, 3:18

Iŋɛ amam ŋa, i maà jɔ̀ ka bi njɛ do ide ku fɔi gɛlɛ nŋu akã, amma ka bi njɛ do ntɔ do si kuce.