Luku 10:21 - Bibeli do fee

²¹ Si waati akãu, inɔi Jesu í dɔ̃ jiida jiida do gbugbãi Hundei Ilaaɔ̃ nɔ í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa. Í sĩa Baaba, si na iyi í jɔ̀ bɛɛbɛi ì bi.

Luku 10:21 Iomraidhean Croise

Iri ku kɔ̃ 24:1

Iriu ihɛ̃ ti Davidii. Aɔ̃ Lafɛ̃ɛi í nɛ ilɛ do mii iyi í wa si fei, nŋui í nɛ andunya do inɛ ŋa iyi à wa si fei.

Iri ku kɔ̃ 25:14

Inɛ ŋa iyi à mà bɛɛrɛi Aɔ̃ Lafɛ̃ɛ, aŋai í ya maa kɔ nɔ aŋai í ya jɔ̀ a mà asiiɛ. Í ya ce bɛɛbɛi ku ba ku jɔ̀ a mà akabuuɛu.

Iri ku kɔ̃ 8:2

Aɔ̃ Lafɛ̃ɛ nwa, iriɛ í nɛ bɛɛrɛ si andunyau fei. Inya kumái amboeɛ í re ti lelei Aɔ̃.

Ezai 29:14

Na nŋu, an maa n mɔsii n jɔ̀ inɛ ŋau a ya maa biti do maamaake nkpɔ nkpɔ ŋa iyi an maa n ce. Laakai iyi ilu laakai ŋau à nɛ, á ya koo kpa irii. Nɔ bisii ilu bisi ŋau á tãi.

Ezai 35:8

Tengi bɛi aa nya kpãa, nɔ kpãau kpãa kumái aa kpoo. Ilu riisi kãma kaa tooɛ. Ti inɛ ŋa iyi à nɛ a tooɛi á jɛ, nɔ nnyɛi ŋa a kaa nyɔ a tooɛ.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 62:5

Ntɔ ntɔ, bɛi awaasũ í ya ce abɔdɔ̃ do mudɛ̃ɛ, bɛɛbɛ mɔi inɛ iyi í teese wa maɛui á jɛ mɔkɔɛ. Nɔ yaase bɛi mudɛ̃ɛ iyi í nɛ awaasũ í ya jɔ̀ awaasũu ku maa nɛ inɔ didɔ̃, bɛɛbɛi awɔ mɔ aa jɔ̀ inɔi Aɔ̃ Lafɛ̃ɛɛ ku maa dɔ̃.

Ezai 66:1

Aɔ̃ Lafɛ̃ɛ í ni, lelei Aɔ̃i í jɛ batai bommam, nɔ ilɛ mɔi í jɛ bi ku lesi kutɛm. Debɛi, dimii ile yoomai aa yɔkɔ i maam ŋa. Tengi iwoi á jɛ inya bi kusĩmim.

Sofoni 3:17

Aɔ̃ Lafɛ̃ɛɛ í wa bi tɛɛ, nɔ nŋui í jɛ woo ja igũ iyi á faabaɛ. Á wɛɛò inɔ didɔ̃ nla nlai na iriɛ. Kubiɛui á jɔ̀ i ba kuwɛɛ titɔ̃. Á ya dɔ̃ anui do inɔ didɔ̃ na iriɛ.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Matie 21:16

Nɔ à bee Jesu à ni, ì bɛi ì gbɔ iyi à waa fɔ mbɛ? Nɔ í jɛ nŋa í ni, oo. Mii iyi wa ceu ihɛ̃, aa yɔkɔ i cioɛ ŋa si kukɔi idei Ilaaɔ̃ tengi bii à ni, Ilaaɔ̃ í jɔ̀ à gbɔ saabuɛ hai si gɛlɛi amu ŋa do si gɛlɛi ama kpɔtɔɔ ŋa.

Matie 3:7

Farisi ŋa do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.

Maaku 10:15

Ntɔ ntɔ, inɛ iyi kù waa sũa Ilaaɔ̃ iri ilɛ bɛi ama keeke, kaa lɔ si bommai Ilaaɔ̃ pai.

Luku 15:5

Hai í nɔ í yɔɔ gbakã á muu ku lesiɛ kɔngɔ wai do inɔ didɔ̃.

Luku 15:9

Bii í yɔɔ á kpe kpaasiɛ ŋa do inɛ ŋa iyi à waa má kɔkɔɛ nɔ ku ni, i bam inɔ didɔ̃ ku kpɛ̃, domi fiam iyi í nyɔu ǹ yɔɔ.

Laabaau jiida iyi Zãa í kɔ 11:41

Si anyiɛ ŋɔi à tale kutau hai bɛ. Nɔ Jesu í wu iju lele í ni, Baam, ǹ wa n saabuɛ si na iyi í jɔ̀ ì gbɔ kutɔɔm.

Kɔrɛnti 2, 4:3

Baa do iyi à waa sisi laabaau jiidau dee dee, inɛ gɔ ŋa a ci ya gbɔ yaaseɛ, amma inɛ ŋa iyi aa ce nfe aŋa akãi a ci ya gbɔ yaaseɛ.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:5

Si kubiɛ í lasabu wo hai ku kpɛ ku ce wa amaɛ ŋa si anu akã nwa do Jesu Kirisi, si bɛi í bi si jiida ku jɛɛ