Luku 10:2 - Bibeli do fee

² Nɔ í sɔ̃ ŋa í ni, amaajɛ iyi í to ku da í kpɔ, amma woo da ŋau a kù kpɔ. Na nŋu, i tɔɔ ilu ikou ku bɛ inɛ ŋa iyi aa ce icɛu wa.

Luku 10:2 Iomraidhean Croise

Ilaalu 1, 18:22

Ŋɔi í sɔ̃ ŋa má í ni, amu akãi ǹ gbe si inɔi waliii Aɔ̃ Lafɛ̃ɛ ŋau nɔ waliii Baali ŋa à wɛɛi aŋa cĩɔ mɛɛ do ciitaa (450).

Iri ku kɔ̃ 68:11

Ilaaɔ̃, ì cea inɛɛ ŋa bi kuwa. Si jiida ku jɛɛi ì ce sɔɔluɛ na inɛ ŋa iyi à waa wahala.

Zeremi 3:15

An dɛdɛ nŋɛ woo degbe ŋa iyi ǹ bi. Nɔ aa degbe ŋɛ do bisi do kumà.

Zakari 11:17

Inɔ kufɔi á jɛ ti woo degbe iyi í ce nnyɛi, iyi í ya fũsi angudã ŋa awɔ. Taakuba á mɛɛ ikpaɛ do iju njɛɛ. Nɔ ikpaɛu ku gbɛ mam mam, nɔ ijuɛu mɔ ku ku.

Zakari 11:5

Inɛ ŋa iyi à ra ŋa à ya koo à saka ŋai nɔ a ci ya yɛ taalei ara nŋa. Inɛ ŋa mɔ iyi à ta ŋa à ya maa nii, ka saabu Aɔ̃ Lafɛ̃ɛ, domi à ba riba nla nla. Woo degbe nŋa ŋa taka nŋa a kù nɛ baa araare.

Kuka 11:17

An kita wa, nɔ tengi bɛi awaɛ aa ka fɔ ide. An jɔ̀ bubui gbugbã iyi í wa siɛu ku naa si aŋa mɔ, ku ba a baɛ zamaau ku gbã, nɔ ku maà jɛ asoi awɔ akã má.

Kuka 11:29

Ŋɔi Moizi í jɛa í ni, ì waa ce igu na irim nii? Bii í jɛ Aɔ̃ Lafɛ̃ɛ í jɔ̀ hundeɛ í naa si inɛi Izirɛli ŋau ku ba aŋa fei a jɛ walii wo ni.

Matie 20:1

Jesu í kpa nŋa mɔndau ihɛ̃ í ni, idei bommai Ilaaɔ̃ í jɔ idei ilu kpasɛ̃ gɔ iyi í fita daadaakɔ wa dɛdɛ amaacɛ ŋa ku bɔò ŋa ikoɛ.

Maaku 13:34

Á yɛi bɛi inɛ iyi wa bɔ ilu nɔ í jɔ̀a woo ce icɛɛ ŋa kpasɛ̃ɛ í na inɛ fei icɛɛ, nɔ í sɔ̃ woo degbe andɛ koofau ku maa cɔ kpasɛ̃u.

Maaku 16:15

Ŋɔi í sɔ̃ ŋa í ni, i bɔ si andunya fei, nɔ i waazoa inɛ baa yooma fei laabaau jiidau ŋa.

Maaku 16:20

Ŋɔi mɔcɔ ŋau à koo à waa waazoa inɛ ŋa bii fei. Nɔ Lafɛ̃ɛ wa sobi ŋa si icɛu, í jɔ̀ à ya maa ce maamaake ŋa ku ba inɛ ŋa a mà iyi ide nŋa í jɛ ntɔ.]

Luku 9:1

Jesu í kpe mɔcɔ maateejiɛ ŋau í tɔtɔɔ ŋa í mu nŋa gbugbã do yiiko a leleò inɛi inɔɔko ŋa fei nɔ a jɔ̀ bɔ̃ɔ ŋa a ba iri.

Woo bɛ ŋa 11:19

Woo dasi Jesu naanɛ ŋa iyi à fangaa bii fei na ijuukpã iyi í naa si waati iyi à kpa Etiɛniu, inɛ gɔ nŋa ŋa à sa à bɔ hee gũngũm gɔ iyi à ya kpe Kitimu. Inɛ gɔ ŋa mɔ à bɔ ilɛi Fenisi, inɛ gɔ ŋa mɔ à nɛ Antiɔsi. Zuifu ŋa aŋa akãi à ya maa waazoa laabaau jiidau.

Woo bɛ ŋa 13:2

Ajɔ nŋu si bɛi inɛ ŋau à waa tɔɔ Lafɛ̃ɛ do anu ku dĩ ajɔ, ŋɔi Hundei Ilaaɔ̃ í sɔ̃ ŋa í ni, i cica Baanabasi do Sɔlu i nya ŋa ikã a ce icɛ iyi ǹ kpe ŋaò.

Woo bɛ ŋa 13:4

Bɛɛbɛi Hundei Ilaaɔ̃ í bɛ Baanabasi do Sɔlu fei. Nɔ à to ilu gɔ iyi à ya kpe Selɛsi. Hai bɛi à lɔ akɔi inyi à bɔ gũngũm gɔ iyi à ya kpe Kitimu.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Woo bɛ ŋa 22:21

Amma Lafɛ̃ɛ í sɔ̃m í ni n koo, domi hee jĩijĩ bi dimi mmu ŋai nŋu á bɛm.

Woo bɛ ŋa 8:4

Inɛ ŋa iyi à fangaau à koo à waa waazo laabaau jiidau bii fei.

Kɔrɛnti 1, 12:28

Bɛɛbɛi, si igbɛi inɛi Jesu ŋa Ilaaɔ̃ í tako í cica inɛ gɔ ŋa à jɛ woo bɛ ŋa, minjisia walii ŋa, mɛɛtasia mɔ woo kɔ inɛ ŋa si cio. Si anyii nŋu nɔ í cea inɛ gɔ ŋa amuai maamaake ŋa ku ce, inɛ gɔ ŋa mɔ à nɛ amuai bɔ̃ɔ ŋa ku faaba, inɛ gɔ ŋa mɔ à nɛ amuai inɛ ŋa ku sobi, inɛ gɔ ŋa mɔ à nɛ amuai inɛ ŋa ku cuaò, nɔ inɛ gɔ ŋa mɔ aa yɔkɔ a fɔ fee ŋa iyi a kù waa gbɔ.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Filipi 2:21

Inɛ ŋa iyi à gbe fei, lasabui idei aŋa taka nŋai à waa ce, lasabu nŋa kù wa si idei Jesu Kirisi.

Filipi 2:25

Amma nsɛi, ǹ yɛ í sĩa n jɔ̀ kpaasim Epafoditi ku nyi wa bi tu ŋɛ, nŋu iyi ì tako ì bɛ sim wa ŋa do sobi iyi ǹ biu. Nŋui í jɛ kpaasi woo ce icɛm nɔ wa bam ku jabu.

Filipi 2:30

domi í maai iku si icɛi Kirisi. Í ta hundeɛ í naaò sobi iyi iŋɛ taka nŋɛ i kù ba fayaɛ i naam wa ŋa wo.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 2:9

Iŋɛ inɛ nwa ŋa, ì waa ye gigi bɛi à ce icɛ si anini nŋɛ hee à gbɛɛji. À ce icɛ dasã do idũ ku ba ka maà jɛ asoi inɛ gɔ nŋɛ si waati iyi à waa sisi laabaau jiidai idei Ilaaɔ̃ si anini nŋɛ.

Tɛsalonika 1, 5:12

Iŋɛ inɛ nwa ŋa, à waa tɔɔ ŋɛ i ya jirima inɛ ŋa iyi à waa ce icɛ ntɔ ntɔ si inɔ nŋɛ, inɛ ŋa iyi Lafɛ̃ɛ í jɔ̀ à waa gbã ŋɛ nɔ à waa nyisi ŋɛ kpãa.

Tɛsalonika 2, 3:1

Iyi í gbe, iŋɛ inɛ nwa ŋa, i ce nwa kutɔɔ ŋa ku ba idei Lafɛ̃ɛu ku fangaa gbãa gbãa nɔ inɛ ŋa a mà bɛɛrɛɛ, si bɛi í ce si anini nŋɛ.

Timɔtee 1, 4:10

Na ŋɔi í ce à jabu à waa ceò icɛ, domi kpãa ku cɔ nwa si Ilaaɔ̃i í wa, nŋu iyi í jɛ icui kuwɛɛ, nɔ í jɛ woo faabai inɛ fei, woo dasi Jesu naanɛ ŋa mɔm nii à re.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Filemɔɔ 1:1

Amu Pɔlu iyi ǹ wa piisɔ̃ɔ na irii Jesu Kirisi, amu do Timɔtee inɛ nwa à ceɛ tiau ihɛ̃ wai Filemɔɔ, awɔ baakɔɔ nwa do minjisia nwa si icɛu.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Kuyɛi Zãa 2:1

Kirisi í sɔ̃m í ni, kɔa amalekai igbɛi inɛm ŋa iyi í wa Efɛɛzu. Kɔaa i ni, inɛ iyi wa mu leleaɔ̃ mɛɛje si awɔ njɛɛ, nɔ wa nɛ si aninii bi ku lesi fitilai wura mɛɛje ŋau í ni,