Luku 10:19 - Bibeli do fee

¹⁹ Ntɔ ntɔ ǹ mu nŋɛ yiiko i tɛɛsɛò njo ŋa do cencee ŋa hee do gbugbã iyi Seetam mbɛɛu í nɛ fei, nɔ nkãma kaa yɔkɔ ku mɛɛ ŋɛ.

Luku 10:19 Iomraidhean Croise

Bomma 2, 10:11

Baam í kã nŋɛ aso kuwo, amma nsɛi amu an kɔ̃ɔ nŋɛ si ku re bɛɛbɛ má. Baam í tɛ nŋɛ kpɔtɔɔ, amu kpɔtɔɔi isɔi an tɛ nŋɛ.

Iri ku kɔ̃ 91:13

Aa nɛ̀ si muusu nla do njo wukuku, nɔ aa yɔkɔ i tɛɛsɛ akandama do njou, zigiida kaa wa si.

Ezai 11:8

Ama kpɔtɔɔ á maa cɛi tengi bii njo wukuku í wa. Nɔ ama kpoto á yɔkɔ ku dasi awɔɛ si inɔ isa bii njo wukuku í wa.

Ezekiɛli 2:6

Awɔ amanɛ, maà jɔ̀ njo ku muɛ si ŋa, maà jɔ̀ njo ku muɛ si ide ku fɔ nŋa. Á yɛ bɛi aa koo wa si inɔi agũ ŋai nɔ aa koo buba si antaii cencee ŋai. Do nŋu fei maà jɔ̀ zigiɛ ku daò ide nŋa, nɔ i maà maa yaya do njo si waju nŋa si na iyi í jɔ̀ à jɛ inɛ ŋa iyi à yika itĩ.

Maaku 16:18

Aa mu njo ŋa do awɔ, nɔ baa bii à mɔ kɔ̃ɔtɛ̃ gɔ kaa ce nŋa ide kãma. Aa lesi bɔ̃ɔ ŋa awɔ nɔ a ba iri.

Luku 11:12

walakɔ bii í tɔɔɛ njɛi ajɛɛ ku so cencee ku naa.

Woo bɛ ŋa 28:5

Amma Pɔlu í gbugbã njou si ina kù nɔ kù gbɔ ara kuro kãma.

Romu 16:20

Kaa kpɛ má, Ilaaɔ̃ nŋu iyi wa mu nwa laakai ku sũ, á jɔ̀ i tɛɛsɛ Seetam ŋa. Didɔ̃i Lafɛ̃ɛ nwa Jesu ku wɛɛ do iŋɛ.

Kuyɛi Zãa 11:5

Bii inɛ gɔ wa bi ku ce nŋa laalɔ, ina í ya fitai hai si gɛlɛ nŋa ku kpa irii mbɛɛ nŋa ŋa. Bɛɛbɛi inɛ iyi wa dɛdɛ ku ce nŋa laalɔ á kuò.