Luku 10:16 - Bibeli do fee

¹⁶ Nɔ í sɔ̃ mɔcɔɛ ŋa í ni, inɛ iyi í gbɔ ide nŋɛ, idem nii í gbɔ. Inɛ mɔ iyi í kɔ̀si ŋɛ, amui í kɔ̀si. Inɛ mɔ iyi í nɔ í kɔ̀sim, inɛ iyi í bɛm wai í kɔ̀si.

Luku 10:16 Iomraidhean Croise

Kufita 16:7

á na ŋɛ iŋa i ŋɔ ŋa, domi í gbɔ ì waa weeweea si nŋu ŋa. Nɔ ala daakɔ á na ŋɛ pɛ̃ɛ ŋa zaka bɛi á to ŋɛ nɔ aa yɛ amboeɛ ŋa. Yooi awa à jɛ hee ì maa gbagba si wa ŋa. Kù jɛ si awai aa gbagba si ŋa, si Aɔ̃ Lafɛ̃ɛi.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Kuka 14:11

Ŋɔi Aɔ̃ Lafɛ̃ɛ í bee Moizi í ni, hee waati yoomai inɛ ŋau ihɛ̃ aa leekĩò ku yaakom. Hee waati yoomai aa dasim naanɛ, baa do maamaake ŋa iyi ǹ ce si anini nŋa ŋau fei.

Kuka 14:2

Inɛi Izirɛli ŋau fei à wasi ku gbagba si Moizi do Arɔ̃ɔ à waa ni, aa, baa bii í jɛ à ku nwa ilɛi Ezibiti, walakɔ si gbaau mɔ wo á daama.

Kuka 16:11

Na ŋɔi í jɔ̀ awɔ do zamaaɛ ŋau fei ì waa kɔ̀ ide si wajui Aɔ̃ Lafɛ̃ɛ ŋa, domi ntɔ ntɔ kù jɛ Arɔ̃ɔi ì waa gbagba si ŋa.

Matie 10:40

Jesu í ni má, inɛ iyi í gba ŋɛ í gbam nii, nɔ inɛ iyi í gbam í gba inɛ iyi í bɛm wai.

Matie 18:5

Inɛ iyi í nɔ í gba ama keeke bɛi inɛ ihɛ̃ na irim, amui í gba.

Maaku 9:37

inɛ iyi í gba ama keeke bɛi inɛ ihɛ̃ na irim, amui í gba. Inɛ mɔ iyi í gbam, kù jɛ amu akãi í gba, inɛ iyi í bɛm wai í gba.

Luku 9:48

nɔ í sɔ̃ ŋa í ni, inɛ iyi í gba amau ihɛ̃ na irim, amu takam nii í gba. Inɛ mɔ iyi í nɔ í gbam, inɛ iyi í bɛm wai í gba. Inɛ iyi í kere í re si inɔ nŋɛ, nŋui í re iŋɛ fei.

Laabaau jiida iyi Zãa í kɔ 12:44

Ŋɔi Jesu í fɔ ide hee lele í ni, inɛ iyi í dasim naanɛ, kù jɛ amu akãi í dasi naanɛ, í dasi inɛ iyi í bɛm wa mɔ naanɛi.

Laabaau jiida iyi Zãa í kɔ 12:48

Inɛ iyi í kɔ̀sim nɔ kù gba idem, í nɛ mii iyi á yɛ taalei lafɛ̃ɛi. Ide ŋa iyi ǹ fɔi á yɛ taalei lafɛ̃ɛ si ajɔi ankãanyiu.

Laabaau jiida iyi Zãa í kɔ 13:20

Ntɔ ntɔ ǹ wa n sɔ̃ ŋɛi, inɛ iyi í gba inɛ iyi ǹ bɛ, amui í gba. Nɔ inɛ iyi í gbam, inɛ iyi í bɛm wai í gba.

Woo bɛ ŋa 5:4

Iko iyi ì tau awɔ si ì nɔɔ ba. Iyi ì taa ì tã, fiau kù jɛ titɛɛi? To, na mii í jɔ̀ ì ce dimii lasabuu ihɛ̃. Kù jɛ amanɛ ŋai ì sɔa ibo, Ilaaɔ̃i ì sɔa.

Galati 4:14

Amma i kù dondam ŋa, i kù nɔ i kù kɔ̀sim ŋa, baa bii bɔ̃ɔm nɔu ku yɛɛ í cé ŋɛ. Do nŋu fei, ì gbam ŋai bɛi aa gba amalekai Ilaaɔ̃ ŋa, walakɔ bɛi Jesu Kirisi takaɛ.

Tɛsalonika 1, 4:8

Na nŋu, inɛ iyi í kɔ̀si ikɔ ŋau ihɛ̃, kù jɛ amanɛi í kɔ̀si amma Ilaaɔ̃ takaɛi, nŋu iyi í mu nŋɛ Hundeɛ.