Luku 10:15 - Bibeli do fee

¹⁵ Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi kuwai iku ŋa.

Luku 10:15 Iomraidhean Croise

Ezai 5:14

Na ŋɔi í jɔ̀ bi kuwai iku ŋa í cĩ gamboɛ, nɔ í cuui nla nla. Ilu bɛɛrɛ ŋa do zamaai iluu fei, bɛi aa dasi si waatii jingau nŋau.

Zeremi 51:53

Baa bii inɛi Babilɔni ŋau aa yɔkɔ a gũ hee lelei Aɔ̃i, nɔ leleu ku jɛ bi ku manji nŋa bɛi a kaa ba a to si ŋa, amui an na wooda nɔ woo ce nfeɛ ŋau a to hee tengi bii í wau.

Ezekiɛli 26:20

An jɔ̀ i bɔ si bi kuwai iku ŋa inɔ balɛ, i koo i ba inɛ ŋa iyi à tako à wa bɛ. An jɔ̀ i bɔi hee lɛlɛi ilɛ nɔ i yɛ bɛi kutai tako ŋa iyi à ce nfeu awɔ do inɛ ŋa iyi à cuaɛ ŋau. I kaa yɔkɔ i fita wa, nɔ i kaa nɛ bi kuwa si andunya ihɛ̃ má.

Ezekiɛli 31:18

Si inɔi jĩi ndii Edɛni ŋau, kãma nŋa kù sĩa kù toɛ nɔ kãma nŋa kù la kù toɛ. Do nŋu fei, an jɔ̀ iŋɛò ŋa i bɔ lɛlɛi ilɛ bi kuwai iku ŋa, i koo i sũ bɛ do inɛ ŋa iyi a kù ce bango ŋa, do inɛ ŋa iyi à ku si igũ ŋa. Mii iyi á ba Faraɔ̃ ilaalui Ezibiti do zamaaɛ ŋa fei mbɛ. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 32:18

awɔ amanɛ, kpataa zamaai Ezibitiu. Kukpataɛu ku jɔ̀ nŋu do inɛi ilɛ mmu ŋa iyi à jɛ ilu gbugbã ŋau a dasi bi kuwai iku ŋa lɛlɛi ilɛ bii inɛ ŋa iyi à ku ŋau à wa.

Ezekiɛli 32:20

Ntɔ ntɔ, inɛi Ezibiti ŋau aa ce nfei si igũ. À teese anui taakuba ŋau tã ku ba a ce nfei soogei Ezibiti ŋau.

Ezekiɛli 32:27

A kù si ŋa do sooge kaasãanɛi tako ŋa iyi à ya maa ce igũu. Hai ce bango ŋa iyi à ya maa da zigii inɛ ŋa si andunyau, à kui nɔ à bɔò ŋa bi kuwai iku ŋa do jĩnɛi igũ nŋa ŋa. À wu iri nŋa ŋa à le nŋa si taakuba nŋa, ara nŋa ŋa mɔ si tɛli nŋa ŋa, domi aŋai à ya maa da zigii inɛ ŋa si andunyau wo.

Abudiasi 1:4

Na nŋu, jɔ̀ i mà iyi baa bii ì gũ ì bɔ hee lele bɛi kungbã, ì koo ì ce bi kuwaɛ si inɔi leleaɔ̃ ŋa, an kitaɛ wai. Amu Aɔ̃ Lafɛ̃ɛi ǹ fɔ bɛɛbɛ.

Matie 10:28

I maà ce njoi inɛ ŋa iyi aa kpa ara nŋu akã, nɔ a kaa yɔkɔ a kpa hunde. Amma i ce njoi inɛ iyi á yɔkɔ ku kpa ara do hunde ajɔ si ina iyi ci ya ku.

Matie 11:23

Iŋɛ mɔ, inɛi Kapɛranumu ŋa, ì waa tamaa ŋa aa so ŋɛ hee lelei? Aawo, aa kɛkɛ ŋɛi hee bi kuwai iku ŋa. Ntɔ ntɔ, maamaake nkpɔ nkpɔ iyi ǹ ce si ilu nŋɛ, bii í jɛ Sodomui ǹ coo wo, iluu á wɛɛ baa nnyi.

Matie 4:13

Amma iyi í to Nazarɛti, kù buba bɛ, Kapɛranumui í koo í buba, ilu iyi í wa kɔkɔi tenku iyi à ya kpe Galilee, si ilɛi Zabulɔ̃ɔ do Nɛfitali.

Luku 13:28

Ajɔ wa naa iyi aa yɛ Aburahamu do Izaaki do Zakɔbu do walii ŋau fei si andunya titɔ̃i Ilaaɔ̃ nɔ iŋɛ i ba wee à nyɔ ŋɛ waduude. Tengi bɛi aa so awɔ i lesi iri i kpataò ŋa.

Luku 16:23

Nɔ í koo wa yɛ ijuukpã bi kuwai iku ŋa, ŋɔi í wu iju lele, nɔ í hɔ̃nnɛ Aburahamu nɔ Lazaa í wa bi tɛɛ.

Wooda ku kɔsi 1:28

Na mii aa ka koo bɛ, kpaasi nwa ŋau à jɔ̀ à kua gbugbã tã, domi à sɔ̃ wa à ni, inɛ ŋau à la à re wa, nɔ à re wa do kugboka má. Ilu nla nla ku nɛ gbugbã ŋai nɔ à nɛ bindi ŋa iyi kugboka nŋa í bɔ hee lelei Aɔ̃, nɔ à yɛ hee do dimii Anaku ŋa bɛ fei.

Piɛɛ 2, 2:4

Baa amaleka ŋa iyi à ce dulum wo, Ilaaɔ̃ kù jɔ̀ ŋa, amma í tale si ŋa si isa nla nla. Tengi bɛi à waa mu ŋa si ilu kuku hee ajɔi kiiti.