Luku 1:9 - Bibeli do fee

⁹ Wee à ya ta kpasai ku ba a mà inɛ iyi á lɔ si kpasɛ̃i Ilaaɔ̃ koo jo tuae. Ŋɔi ajɔ nŋu bɛ, kpasau í so Zakari, ŋɔi í jɔ̀ í lɔ inɔ ileu koo jo tuaeu.

Luku 1:9 Iomraidhean Croise

Bomma 1, 23:13

Amai Amuramu ŋai Arɔ̃ɔ do Moizi. Ŋɔi à cica Arɔ̃ɔ nŋu do amaɛ ŋa à jilɛ ŋa ikã hee do ajɔ fei a ya maa ce icɛ si ile iyi í re do kumáu. Aŋai aa ya cea Aɔ̃ Lafɛ̃ɛ kuwee do tuae nɔ a maa ceaa icɛ nɔ a ya weea zamaaɛu do ajɔ fei do irii Aɔ̃ Lafɛ̃ɛ.

Bomma 1, 6:49

Inɛi Izirɛli ŋa à na inɛi Levii ŋa ilu ŋa do bi ku jɛi mɛɛmu nŋa ŋa.

Bomma 2, 26:16

Amma waati iyi í ba gbugbã, ŋɔi í so araɛ lele í kua woodai Aɔ̃ Lafɛ̃ɛ. Nɔ iyi bɛ í dasiɛ nfe ku ce. Ajɔ nŋu gɔ í lɔ hee inɔ kpasɛ̃i Aɔ̃ Lafɛ̃ɛ koo jo tuae si bi kuweei tuaeu.

Bomma 2, 29:11

Nsɛi kpaasim ŋa, i jɔ̀ atafii ku ce ŋa, domi iŋɛi Aɔ̃ Lafɛ̃ɛ í cica i maa ceaa icɛ ŋa nɔ i maa cua inɛ ŋa si kutɔɔ ŋa nɔ i ya ceaa kuweei tuaeu ŋa.

Matie 27:5

Ŋɔi Zudasi í nyɔ fiau si kpasɛ̃i Ilaaɔ̃ bɛ í nɛɛ. Nɔ í koo í dasi kɔ̃ɔɛ ikũ lele í kpa araɛ.

Ebɛɛ 9:6

Do yaase bɛɛbɛi à jilɛ fei ndɛɛ nɔ woo wee ŋa à ya lɔ inɔ sinteui ajɔ fei a maa ce icɛi kuwee nŋa.

Samuɛli 1, 2:28

Si inɔi dimii inɛi Izirɛli ŋa fei balaɛ Arɔ̃ɔi nŋu í cica ku jɛ woo weei nŋu. Nŋui nŋu í jɔ̀ í ya dasi ibɔ iyi à ya kpe efoduu, nɔ nŋu í daa icɛi kuweeu si awɔ do icɛi tuae ku jo. Nɔ si anyiɛ iŋai kuwee ŋa iyi inɛi Izirɛli ŋa à ya naaò wa bi ti nŋu nŋu í ya jɔ̀ bubuɛ ku jɛ titɛɛ do ti tɔkuɛ ŋai.