Luku 1:8 - Bibeli do fee

⁸ Ajɔ nŋu gɔ, Zakari wa ce icɛi kuweeɛ si wajui Ilaaɔ̃ domi si wuaɛi kuweeu í to si.

Luku 1:8 Iomraidhean Croise

Bomma 1, 24:19

Do yaase bɛɛbɛi à kpɛ̃ ŋa si icɛ nŋa, ku ba a ya lɔ inɔ kpasɛ̃i Aɔ̃ Lafɛ̃ɛ si bɛi Aɔ̃ Lafɛ̃ɛi inɛi Izirɛli ŋa í jɔ̀ Arɔ̃ɔ bala nŋa í jilɛ nŋa woodaɛu.

Bomma 1, 24:2

Nadabu do Abihu à tako baa nŋa à ku a kù bí ama. Nɔ Eleazaa do Itamaa à waa ce icɛi woo wee ŋa.

Bomma 2, 11:14

Inɛi Levii ŋau à jɔ̀ ilɛ nŋa do ilu nŋa ŋa nɔ à naa Zeruzalɛmu si ilɛi Zudaa si na iyi í jɔ̀ Zeroboamu do amaɛ ŋa à waa ganji ŋa icɛi kuweeu ku ce na Aɔ̃ Lafɛ̃ɛ.

Bomma 2, 31:19

Nɔ si ilui woo wee ŋau à cica inɛ gɔ ŋa iyi aa koo a kpɛ̃a tɔkui Arɔ̃ɔ woo wee ŋa iyi à wa si ilɛɛko nŋa ŋa ikpɛ̃i sɔnda nŋa hee do inɛi Levii ŋa iyi à kɔ iri nŋa fei.

Bomma 2, 31:2

Ŋɔi Ezekiasi í jɔ̀ woo wee ŋau do inɛi Levii ŋau à nyi si icɛ nŋa ŋa. Í kpɛ̃a wuaa fei icɛɛ iyi í nɛ ku ce ku ba a ce kuwee ŋa iyi à ya jo si ina fei sãa sãa do kuweei anu akã ŋa, nɔ a ya kɔ̃ irii a maa saabu Aɔ̃ Lafɛ̃ɛ si anu koofai kpasɛ̃ɛ.

Bomma 2, 8:14

Ŋɔi í jilɛ woo wee ŋau si icɛ nŋa ŋa si bɛi Davidi baaɛ í kpɛ̃ nŋau. Inɛi Levii ŋai à nɛ a maa cĩ Ilaaɔ̃, nɔ à ya maa coo ajɔ fei. Woo degbe anu koofa ŋau mɔ aa ya wa bi gambo ŋaui si yaase bɛi à kpɛ̃ ŋa. Bɛɛbɛi Davidi inɛi Ilaaɔ̃u í jilɔɔ.

Ɛsidarasi 6:18

Bɛɛbɛ mɔi à kpɛ̃ woo wee ŋau do inɛi Levii ŋau wuaa ikã ikã, inɛ fei do icɛɛ iyi aa cea Ilaaɔ̃ si ilui Zeruzalɛmu bɛ si bɛi Moizi í kɔ si tiaɛ.

Kufita 28:1

Ŋɔi Aɔ̃ Lafɛ̃ɛ í sɔ̃ Moizi má í ni, kpe Arɔ̃ɔ igbãɛu ku naa bi tɛɛ, nŋu do Nadabu do Abihu do Eleazaa do Itamaa amaɛ ŋau. Cica inɛ nŋu ŋau ikã hai si inɔi inɛi Izirɛli ŋau ku ba a ceem icɛi woo wee ŋa.

Kufita 28:41

Moizi, awɔi aa daa si Arɔ̃ɔ igbãɛ do amaɛ ŋa si jĩnɛ ŋau, nɔ i tontoo nŋa ikpo si iri nɔ i da nŋa icɛ ŋau si awɔ. Do yaase bɛɛbɛi aa nya ŋaò ikã ku ba a ceem icɛi woo wee ŋa.

Kufita 29:1

Aɔ̃ Lafɛ̃ɛ í sɔ̃ Moizi má í ni, yaase bɛi aa jilɛ woo wee ŋa na icɛm wee. Mu kɛtɛ kombo saasaabɔ gɔ do angudã kombo minji iyi kãma nŋa kù nɛ leebu gɔ.

Kufita 29:44

Amu takam nii an jɔ̀ ile bi kukou do bi kuweeu ku má, bɛɛbɛ mɔi an jɔ̀ Arɔ̃ɔ do amaɛ ŋa a má ku ba a ceem icɛi woo wee ŋa.

Kufita 29:9

nɔ i dĩ nŋa kungbã ŋau nɔ i da nŋa si fula nŋa ŋau. Hai waati bɛɛbɛi aa jɛ woo wee ŋa hee do ajɔ fei. Yaase bɛi aa ce mbɛ Arɔ̃ɔ do amaɛ ŋau a bɛi a sinti icɛu.

Kufita 30:30

Nɔ aa fãsi Arɔ̃ɔ do amaɛ ŋa ikpo iyi í máu ku ba aŋa mɔ a má nɔ a jɛ woo ce icɛm ŋa si ile kumáu.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Luku 1:5

Si waati iyi Herodu wa jɛ ilaalui Zudee, woo weei Ilaaɔ̃ gɔ í wa bɛ à ya kpoo Zakari. Si wuai woo weei Ilaaɔ̃ ŋa iyi í jɛ ti Abiai í wa. Aboɛi à ya kpe Elizabɛti. Si dimii Arɔ̃ɔ iyi í jɛ woo wee nla sintei Ilaaɔ̃ui í wa.

Luku 1:7

Amma a kù nɛ ama domi Elizabɛti gbɛndai, nɔ aŋa minji fei à gbo tã.