Luku 1:78 - Bibeli do fee

⁷⁸ Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Luku 1:78 Iomraidhean Croise

Iri ku kɔ̃ 25:6

Aɔ̃ Lafɛ̃ɛ, ye gigii araareɛ ŋa do jiida ku jɛɛ, domi hai ku kpɛi à wɛɛ.

Ezai 11:1

Amaawɔ mmu gɔ á la wa hai si Izai icu nwou. Kuyɔ mmu gɔ á fita wa hai si icãɛ ŋau nɔ ku so.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Ezai 63:15

Aɔ̃ Lafɛ̃ɛ, cɔ hai lele bi kuwa kumá ilu bɛɛrɛɛu wa aa yɛ mii iyi wa ba wa. Hee iwoi kubi nla nlaɛ do jiida ku jɛɛu í wa. Hee iwoi araareɛ do kubiɛu í wa. Ì gɛɛ kubiɛu ì kɔ̀ ku nyisi awa zamaaɛ ŋau.

Ezai 63:7

An fɔ idei jiida ŋa iyi Aɔ̃ Lafɛ̃ɛ í ce si kubiɛ do kuceɛ ŋa iyi í to saabu, na jiida ŋa iyi í ce nwa fei, do na jiida nla nlaɛ iyi í cea inɛi Izirɛli ŋa, do jiida iyi í ce nŋa na araareɛ do si kubi nlaɛ.

Zakari 3:8

Na nŋu, awɔ Zozue, gbɔ ideu ihɛ̃, awɔ iyi ì jɛ woo wee nla, do kpaasi woo wee ŋa iyi à waa buba si wajuɛu, iŋɛ fei i gbɔ. Iŋɛi ì jɛ nyindai mii iyi á na ku naau. An bɛ woo ce icɛm wa, nŋu iyi í yɛ bɛi ijui dimi ku gbɛ̃ iyi wa fita wa.

Zakari 6:12

Nɔ i sɔ̃ Zozue i ni, Aɔ̃ Lafɛ̃ɛi lele do ilɛ í ni, inɛ gɔ wee í wɛɛ iyi à ya kpe ijui dimi ku gbɛ̃ iyi wa fita wa. Á fitai tengi bii í wau. Nŋui á ma kpasɛ̃m.

Kuka 24:17

Ǹ wa n yɛ mii iyi á na ku ce, amma kù jɛ nsɛi, ǹ wa n hɔ̃nnɛɛ dei, kù jɛ amɛɛ. Leleaɔ̃ gɔ á fita hai si dimii Zakɔbu. Ilu gbugbã nla gɔ á fita hai si inɛi Izirɛli ŋa, nɔ do goloɛi á cãò inɛi Moabu ŋau si kɛkɛlɛ, nɔ ku cã irii amai Sɛti ŋau mɔ fei.

Laabaau jiida iyi Zãa í kɔ 3:16

Ilaaɔ̃ í bi inɛi andunya ŋa jiida jiida hee í na ŋa Ama akãɛ ku ba inɛ iyi í dasiɛ naanɛ fei ku maà ce nfe, amma kú nɛ kuwɛɛ iyi ci ya tã.

Efɛɛzu 5:14

Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.

Filipi 1:8

Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Filipi 2:1

Ì mà sãa sãa ŋa, naanɛ iyi ì dasi Kirisi ŋa wa mu nŋɛ gbugbã. Kubiɛ wa dasi ŋɛ himma. Hundei Ilaaɔ̃ í jɔ̀ ì nɛ anu akã ŋa. Araarei Kirisi do jiida ku jɛɛ í wa si anini nŋɛ.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.

Zãa 1, 3:17

Bii inɛ gɔ í nɛ amani si andunyau ihɛ̃, nɔ í yɛ kpaasiɛ í wa si are nɔ í toaa anyi, bɛirei kubii Ilaaɔ̃ á ce ku wa si inɛɛu bɛ.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.