Luku 1:74 - Bibeli do fee

⁷⁴ í ni nŋu á nya wa hai si awɔi mbɛɛ nwa ŋa, nɔ nŋu ku jɔ̀ ka cea nŋu icɛ do wɔɔkɔ.

Luku 1:74 Iomraidhean Croise

Ilaalu 2, 17:39

Amma i tɔɔ amu Aɔ̃ Lafɛ̃ɛ nŋɛ nɔ n faaba ŋɛ hai si awɔi mbɛɛ nŋɛ ŋau fei ŋa.

Iri ku kɔ̃ 119:134

Nyam hai si awɔi woo taa inɛ ŋa gbugbã ŋa ku ba n yɔkɔ n jirima woodaɛ ŋa.

Ezai 43:21

Zamaa iyi ǹ takau á kɔ̃ irii ku maa saabum.

Ezai 45:17

Amma Izirɛli inɛ nŋu, hai bi Aɔ̃ Lafɛ̃ɛi í ba faaba hee do ajɔ fei. Inɛ nŋu kaa dasi anyɔ ajɔ kãma.

Zakari 8:19

ǹ wa n sɔ̃ ŋɛ iyi anu ku dĩ iyi ì ya ce si cukpa mɛɛsia do si miiusia, do si mɛɛjesia do si mɛɛwasiai adɔ̃u á baa ku jɛa inɛi Zudaa ŋa ajɔi jingau do inɔ didɔ̃ nla nla. Amma i bi ntɔ do laakai ku sũ ŋa.

Luku 1:71

Nŋui á faaba wa hai si awɔi mbɛɛ nwa ŋa, do hai bi inɛ ŋa iyi à cé wa fei.

Luku 1:73

Akabuuui í jɛ kuwã iyi í cea Aburahamu bala nwa,

Luku 1:75

Nɔ icɛ iyi aa ka ceau ku jɛ do idɔ kumá nɔ ka jɛ dee dee si wajuɛ do ajɔ fei si kuwɛɛ nwa.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Timɔtee 2, 1:7

domi Hunde iyi Ilaaɔ̃ í mu nwa kaa jɔ̀ ka ce njo, amma í ya jɔ̀ ka nɛ gbugbãi do kubi do ara ku mu.

Ebɛɛ 2:15

nɔ ku ya inɛ ŋa iyi à jɛ bɛi aru ŋa si kuwɛɛ nŋa fei na njoi iku.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.